Shymkentte aimaqtyq diabet ortalyǵy ashyldy
Munda qant diabetimen syrqattanatyn naýqastarǵa zamanaýi emdeý jáne diagnostika tásilderi qoldanylady. Naýqastardyń glikemiialyq kórsetkishterin táýlik boiyna 288 ret anyqtaý arqyly únemi úzdiksiz baqylaýǵa múmkindik beretin SGMS qurylǵysy bar. Sonymen qatar «Diabet mektebin» arnaiy daiyndyqtan ótken instrýktorlar júrgizedi.
Aimaqtyq diabet ortalyǵy ornalasqan oblystyq endokrinologiia dispanserinde qyzmet atqaratyn dárgerlerdiń 60 paiyzǵa jýyǵy joǵarǵy sanatty bilikti mamandar. Naýqastarǵa endokrinolog-diabetologtarmen qatar nefrolog, kardiolog, oftalmolog, nevropatolog, angiohirýrg dárigerler meditsinalyq kómek kórsetedi.
Dispanser dárigerleri jyl saiyn biliktiligin arttyrýda. Máselen, ótken jyly 2 dáriger-endokrinolog Reseidiń «Sankt-Peterbýrg kóp salaly ortalyǵynda» aiaq tamyrlary patologiiasyna ýltra dybystyq diagnostika tsiklynda biliktiligin jetildirdi. Taǵy 1 dáriger sol Sankt-Peterbýrgte «Jińishke inelik aspiratsiondy biopsiia málimetteri boiynsha qalqansha beziniń morfologiialyq diagnostikasynda», 25 dáriger respýblika deńgeiinde biliktiligin arttyrdy.
Oblystyq endokrinologiia dispanseri meditsinalyq kolledjder men joǵary oqý oryndary meditsinalyq fakýltetteriniń klinikalyq bazasy bolyp tabylady. Munda naýqastardy emdeýmen qatar diabetologiia máseleleri boiynsha seminarlar, konferentsiialar men kezdesýler uiymdastyrylyp turady. Qant diabeti mektebiniń jattyqtyrýshylaryn daiarlaidy. Salaýatty ómir saltyn nasihattaý, semizdikti aldyn-alý diabet mektebinde oqytylady.
Elimizde qant diabetine qarsy kúresti uiymdastyrýda salaýatty ómir saltyn qalyptastyrý máselelerine úlken mán berilýde. Osy maqsatta ashylǵan Aimaqtyq diabet ortalyǵy aýrýdyń paida bolý qaýpin azaitýǵa jáne diabettik retinopatiia, nefropatiia, nevropatiia, diabettik taban sekildi qaýipti asqynýlardyń aldyn-alýǵa kómektesedi.
OQO ákiminiń baspasóz qyzmeti
