Biz de pendemiz, bizdiń de bala-shaǵamyz bar
Keshe QR Parlament Májilisi tóraǵasynyń orynbasary Vladimir Bojko depýtattar jalaqysynyń ósimine qatysty óz pikirin bildirdi.
“Saiasi qyzmetkerler arasynda jalaqysy sońǵy bop ósken osy depýtattar, Negizi bul sheshim osydan 4 jyl buryn qabyldanyp qoiylǵan edi. Ministrlikter men ózge de vedomstvolardaǵy jalaqyny birtindep ósiremin degenshe 4 jyl ótip ketti. Mine, endi bizdiń kezegimiz keldi”, – deidi Vladimir Bojko.
Onyń aitýynsha, saiasi qyzmetkerlerdiń bári birdei jalaqy alýy tiis. Al, bizdiń elde depýtattar saiasi memlekettik qyzmetkerler bolyp esepteledi.
Basqa da Májilis depýtattary jalaqy tóńireginde qysqasha pikirlerin aitty.
Bekbolat Tileýhan, Májilis depýtaty:
– Depýtattar da memlekettik qyzmetker. Halyqtyń muńyn aitý kerek. Olardyń moinyna artqan jaýapkershilik kóp. Jaýapkershiligine orai óziniń eńbekaqysyn alý kerek dep oilaimyn. Jalaqysy kóbeise qýanbaityn adam bola ma?! Biz de pendemiz, bizdiń de bala-shaǵamyz bar, bizge de qajettilik bar.
Olga Shishigina, Májilis depýtaty:
– Bir jaǵynan óte qýanyshty jańalyq. Ekinshi jaǵynan, jalaqysyn kóterýge bolatyn basqa da muqtaj adamdar bar. Máselen, dárigerler men muǵalimder.
