بٸز دە پەندەمٸز, بٸزدٸڭ دە بالا-شاعامىز بار
كەشە قر پارلامەنت مەجٸلٸسٸ تٶراعاسىنىڭ ورىنباسارى ۆلاديمير بوجكو دەپۋتاتتار جالاقىسىنىڭ ٶسٸمٸنە قاتىستى ٶز پٸكٸرٸن بٸلدٸردٸ.
“ساياسي قىزمەتكەرلەر اراسىندا جالاقىسى سوڭعى بوپ ٶسكەن وسى دەپۋتاتتار, نەگٸزٸ بۇل شەشٸم وسىدان 4 جىل بۇرىن قابىلدانىپ قويىلعان ەدٸ. مينيسترلٸكتەر مەن ٶزگە دە ۆەدومستۆولارداعى جالاقىنى بٸرتٸندەپ ٶسٸرەمٸن دەگەنشە 4 جىل ٶتٸپ كەتتٸ. مٸنە, ەندٸ بٸزدٸڭ كەزەگٸمٸز كەلدٸ”, – دەيدٸ ۆلاديمير بوجكو.
ونىڭ ايتۋىنشا, ساياسي قىزمەتكەرلەردٸڭ بەرٸ بٸردەي جالاقى الۋى تيٸس. ال, بٸزدٸڭ ەلدە دەپۋتاتتار ساياسي مەملەكەتتٸك قىزمەتكەرلەر بولىپ ەسەپتەلەدٸ.
باسقا دا مەجٸلٸس دەپۋتاتتارى جالاقى تٶڭٸرەگٸندە قىسقاشا پٸكٸرلەرٸن ايتتى.
بەكبولات تٸلەۋحان, مەجٸلٸس دەپۋتاتى:
– دەپۋتاتتار دا مەملەكەتتٸك قىزمەتكەر. حالىقتىڭ مۇڭىن ايتۋ كەرەك. ولاردىڭ موينىنا ارتقان جاۋاپكەرشٸلٸك كٶپ. جاۋاپكەرشٸلٸگٸنە وراي ٶزٸنٸڭ ەڭبەكاقىسىن الۋ كەرەك دەپ ويلايمىن. جالاقىسى كٶبەيسە قۋانبايتىن ادام بولا ما?! بٸز دە پەندەمٸز, بٸزدٸڭ دە بالا-شاعامىز بار, بٸزگە دە قاجەتتٸلٸك بار.
ولگا شيشيگينا, مەجٸلٸس دەپۋتاتى:
– بٸر جاعىنان ٶتە قۋانىشتى جاڭالىق. ەكٸنشٸ جاعىنان, جالاقىسىن كٶتەرۋگە بولاتىن باسقا دا مۇقتاج ادامدار بار. مەسەلەن, دەرٸگەرلەر مەن مۇعالٸمدەر.
