1909 jyly Abai qaitys bolǵannan keiin onyń alǵashqy jinaǵy basylyp shyqty.
«Kitaptyń jaryq kórýýine uly Turaǵuldyń, nemere inisi Káketaidyń jáne qoǵam qairatkeri, «Alash» partiiasynyń lideri Álihan Bókeihanovtyń úlesi zor boldy.
Jinaq Nur-Sultan qalasyndaǵy qoljazbalar jáne sirek kezdesetin kitaptardyń ulttyq ortalyǵynda qaita qalpyna keltirildi. Ortalyq ókilder bizge kórmemen kelgende, bizde biregei jinaqtyń bar ekenin bilip, ony qaita qalpyna keltirý týraly sheshim qabyldady. Kitaptyń muqabasy bolǵan joq, birqatar betteri jyrtylǵan jáne keibir betteri múldem bolǵan joq bolatyn. Kitap qalpyna keltirildi, ár paraǵy quiý jolymen qalpyna keltirildi, kitap mýzeige jańa qatty muqabada oraldy” – deidi Abai mýzeii direktorynyń orynbasary Meiramgúl Qairambaeva.
Kitap 120 betten turady jáne «Halyq týraly», «Mahabbat týraly» syndy taǵy da basqa bólimderge bólingen. Jinaqqa Abaidyń júzge jýyq shyǵarmalary engen.
Kitapty qaita qalpyna keltirý – biraz qarajatty talap etetini sózsiz. Osyndai qundy dúniege jarty millionǵa jýyq qarajat qajet boldy. Alaida osy jinaqty oqyrman qaýymmen mýzei úshin Nur-Sultan qalasyndaǵy qoljazbalar jáne sirek kezdesetin kitaptardyń ulttyq ortalyǵy qoldap, shyǵaryp berdi.
«Biz olarmen birlesken sharalar, kórmeler ótkizdik, is-sharalar sheńberinde osy qundy jinaqty kórsettik. Bul Abaidyń alǵashqy shyǵarmalary bolǵandyqtan olar bizdi qoldady jáne kitapty tegin qaita qalpyna keltirip, mýzeige syilyq jasady.
Bizdiń mýzei olardy qundy kitaptar men qoljazbalardyń kóptigimen qyzyqtyrdy. Olar kitaptardy jáne qoljazbalardy tsifrlandyryp, óz qorlaryn tsifrlandyrylǵan nusqasymen tolyqtyryp, túpnusqany bizge keri qaitarady. Bul eki jaqqa da tiimdi jumys, osy baǵyt boiynsha jumys odan ary jalǵasatyn bolady. Qaita qalpyna keltiretin kitaptar sany óte kóp. Qyryqqa jýyq kitapty tsifrlandyrý qajet, – dep aityp ótti Meiramgúl Qairambaeva.
Sonymen qatar, baspasóz-konferentsiiasy barysynda Alash arystary mýzeiinde júrgizilip jatqan jóndeý jumystaryna da toqtalyp ótti.
BúgindeShyǵys Qazaqstan oblysynda Abai mýzeiiniń 8 filialy bar. Biylǵy jyly bas mýzeidiń qarajaty esebinen Sháker Ábenov jáne Kókbai aqyn mýzeilerin qalpyna keltirý jumystary júrgizildi. Sondai-aq murajai aldaǵy ýaqytta jańa ekspozitsiia ashýdy josparlaýda. Jáne qundy kitaptardy tsifrlandyrý jumystary jalǵasyn taba bermek.
