Aýyl ákimderin sailaýda «Nur Otan»-nan basqa partiialar kózge túspedi - R.Jýmalyýly
Saiasi naýqannyń uiymdastyrylýy men barysyna qatysty túrli keide qarama-qaishy pikirler aitylǵanymen bul oń baǵyttaǵy qadam boldy. Birinshiden, damyǵan batys demokratiialary syndy bizde 25 shilde – jalpyulttyq sailaý kúni retinde bekitildi.
Ekinshiden, sailaýǵa tek saiasi partiialar ǵana emes, ózin-ózi usynǵan belsendiler qatysý haqyna ie boldy. Úshinshiden, joǵarydan taǵaiyndalmai, ákimdi jergilikti turǵyndardyń ózderi sailaýy onyń jaýapkershiligin arttyrýǵa áser etpek.
Osy oraida jergilikti deńgeide arnaiy Keńesterdiń qurylýy da jumys sapasyn baqylap kerek bolsa túzetip otyrýǵa múmkindik beredi. Ázirshe jańa tártip boiynsha 864 aýyl ákimi sailanyp jumysqa kirisip ketti. Al jalpy 2024 jylǵa deiin memleket boiynsha uzyn sany 2346 ákim sailanýy kerek.
Ras, bolyp ótken sailaýlar nátijesi boiynsha basym kópshilik daýysty saiasi partiialar enshiledi. Jeke tulǵamen salystyrǵanda tutas partiianyń áleýetine júginý utymdyraq bolatynyn eskerse ol da oiǵa qonymdy.
Alaida 87 paiyzdyq kórsetkishti baǵyndyrǵan Nur-Otannan basqa partiialar aitarlyqtai kózge túspedi. Olardyń ishinde ásirese parlamenttik sanalyp memleketten ájeptáýir qarjy alyp otyrǵan «Aq jol» men Halyq partiiasyna suraq kóp.
Jekelegen qoǵam belsendileriniń kezinde ákim sailaýyn talap etip, ondai múmkindik paida bolǵanda buǵyp qalýy da qisynǵa kelmeidi. Al endi atalǵan doda 2024 jylǵa josparlanǵan prezidenttik jáne aýdan ákimderin sailaý aldyndaǵy synaq ekendigin nazarda ustasaq, bul da eldegi saiasi kúshterdiń, onyń ishinde oppozitsiia ókilderiniń jańasha árekettenip jaqtastarynyń sanyn ósirýde kúsh salýyn talap etedi.
