Shyǵys Qazaqstanda ekologiiany damytý ortalyǵy qurylady
2022 jyly Sársen Amanjolov atyndaǵy Shyǵys Qazaqstan ýniversitetiniń bazasynda ekologiialyq bilim men mádenietti damytý ortalyǵy qurylǵan bolatyn. Ortalyqty qurýdy egjei-tegjeili talqylaý úshin «Ekologiialyq bilim berýdi damytý baǵyttary» taqyrybynda dóńgelek ústel ótkizildi. Qazaqstan Respýblikasy Táýelsizdiginiń 30 jyldyǵyna orai Amanzholov University stýdentteri arasynda ekologiialyq taqyryptaǵy úzdik stendtik plakat pen esse baiqaýy ótkizildi.
– Búgingi tańda ekologiia taqyryby asa ózekti jáne bul ortalyqty qurý qajet. Teoriialyq oqytýdan basqa tiisti jabdyqtar, zerthanalar, sertifikattalǵan saraptama bolady dep oilaimyz. Bul joba 2022 jyly bastalady. Sondai-aq, qoǵamdyq tyńdaýlar ótkizý úshin baza qurylady, – dep habarlady S.Amanjolov atyndaǵy Shyǵys Qazaqstan ýniversitetiniń rektory Muhtar Tólegen.
Dóńgelek ústel barysynda qazaqstandyq ekoaktivist Shyńǵys Lepsibaev «Ekologiialyq bilim berý men aǵartýdaǵy novellalar týraly» taqyrybynda baiandama jasady. Ol jalpy álemdegi ekologiia máselelerine, adamdardyń jas deńgeiine qarai tabiǵatqa qarym-qatynasyna toqtalyp, S.Amanjolov atyndaǵy ShQÝ bazasynda qurylatyn Ortalyq týraly egjei-tegjeili aityp berdi.
– Bizde ekologiiamen problemalar bar kóptegen qalalar men joǵary oqý oryndary bar, biraq barlyq jerde ekologtardy daiarlamaidy. Amanzholov University Shyǵys Qazaqstandaǵy joǵary bilim berýdiń flagmany bolyp tabylady. Sondyqtan biz Qazaqstandaǵy ekologiiany damytý ortalyǵynyń Amanzholov University bazasynda bolǵanyn qalaimyz. Ýniversitet óz tarapynan tiisti jumystardy bastaidy.
Lastanýdyń túrli deńgeidegi men olardy tazartý úshin ártúrli zerthanalyq qondyrǵylar turatyn tehnikalyq bólme qurý qajet. Ekinshi kezeńde biz munda oqytylatyn ekologiialyq bilim berý treningteriniń keshenin nemese tizimin jasaýymyz kerek. Oqytýshylar tiziminde tek jergilikti ekologtar ǵana emes, sonymen qatar ekologiia salasynda jumys isteitin, Qazaqstan boiynsha tanymal ekobelsendiler, kásipkerler bolady. Ortalyq negizi qalanǵan úshinshi kezeńde ýniversitet osy ortalyqtyń negizinde ekologiia, qorshaǵan ortany qorǵaý, bioalýantúrlilik salasynda zertteýler júrgize bastaidy, – dedi Qazaqstandyq ekobelsendi Shyńǵys Lepsibaev.
Onyń aitýynsha, mundai ortalyq ár mektepte bolýy tiis, onda aýanyń lastanýyn ólsheitin qurylǵylar jáne balalarǵa ekologiialyq bilim berýdiń negizin qalaityn sabaqtar ótkizilýi kerek.
