Aldaǵy ýaqytta Tarbaǵataı aýdanynyń Aqjar aýylynda sport modýliniń qurylysy bastalyp, aýyldyq aýrýhana zamanaýı medısınalyq tehnıkamen jabdyqtalatyn bolady. «Bir qabatty Shyǵys» baǵdarlamasy boıynsha 30 turǵyn úıdiń qurylysyna qarjy bólinip, balalar jáne sport alańdary ornatylady.
İsin jańa bastaǵan kásipkerlerge aqparattyq jáne ádistemelik qoldaý kórsetiledi. Aıta keteıik, Katonqaraǵaı kásipkerleriniń alǵashqy jobasy sátti bastaldy.
– Blokty-modýldi stansıalardyń qurylysy, aýyldyq eldi mekenderge deıin avtomobıl joldaryn jobalaý jáne qaıta jańartý, jylýmen jáne sýmen jabdyqtaý máseleleri, áleýmettik obektiler men turǵyn úıler qurylysy, jumyspen qamtý, sportty, ónerkásip pen kásipkerlikti damytý – bul burynǵy aýdan ortalyqtaryn damytý jónindegi óńirlik baǵdarlamanyń basy, – dep atap ótti oblys basshysy Danıal Ahmetov.
Jumys isteıtin jastardyń turǵyn úımen qamtamasyz etilip, sıfrlyq órkenıettiń barlyq ıgilikteriniń qoljetimdiligi – bul qazirgi zamanǵy, damyp kele jatqan aýyldyń beınesi.
Eger jastarǵa barlyq jaǵdaı jasalyp, jumyspen qamtamasyz etilse, aýyldan ketýdi azaıyp, kerisinshe jańashyl aýdandardyń kelbetin kóterip, jumys oryndaryn ashýǵa basa kóńil bólenedi.
Barlyq josparlardyń oryndalýy úshin burynǵy aýdan ortalyqtaryn qoldaýdyń maqsatty baǵdarlamasy jyl saıyn jańa jobalarmen tolyqtyrylatyn bolady. Bul fermerlerge kómek kórsetip, sondaı-aq mektepter, balabaqshalar, medısınalyq pýnktter jáne basqa da mańyzdy nysandar salý úshin qarajattyń bólinýin qadaǵalaý kerek, dep túıindedi oblys ákimdigi.
