Shyǵys Qazaqstan oblysynda ótken plenarlyq otyrystyń jumysyna aimaq basshysy Danial Ahmetov pen QR Bilim jáne ǵylym ministrliginiń ókilderi, joǵary oqý oryndarynyń rektorlary men muǵalimder qatysty.
Jinalys bastalmas buryn delegatsiia ókilderi Shyǵys Qazaqstan oblysynyń ákimimen birge start-up kórmesin tamashalap, «Digital East – bolashaqqa qadam 2019» atty halyqaralyq IT-forýmda oblys ákiminiń grantyna usynylǵan usynylǵan jobalarmen tanysty.
Sondai-aq kolledj stýdentteriniń qolynnan shyqqan aǵash pen metalldan jasalǵan qural-jabdyqtardyń kórmesin kórip, «WorldSkills» saiysynyń halyqaralyq talaptaryna sáikes keletin «Mehatronika» laboratiiasyn tamashalady.
Oblystyq mamandandyrylǵan matematika, informatika fizika salasyndaǵy daryndy balalarǵa arnalǵan mekteptiń oqýshylary jobalardyń birin tanystyrdy. Olar oqytý keshenine drondy baǵdarlamalaý men mekteptegi robotty tehnika kýrsyna ushý apparattaryn pilotsyz rejimde basqarýdy engizýdi usyndy.
Óz kezeginde balalardy muqiiat tyńdaǵan Danial Ahmetov, oblystaǵy árbir mektepke dron satyp alynatynyn jáne osy kýrstyń júrgiziletinin atap ótti. Budan bólek jiyn barysynda bilim basqarmasynyń basshylyǵyna algoritimdik oilaýdy damytý maqsatynda baǵdarlamalaýdy ártúrli tilde júrgizýdi tapsyrdy.
Sondai-aq kompiýterlik júieni zamanaýi bilim berý júiesine qarai ikemdeýdi júktedi. Al muǵalimder qosymsha kýrstarǵa baryp, IT–baǵyty boiynsha bilimderin jetildiretin bolady. Aita keteiik, sońǵy eki jyldyń kóleminde 1125 muǵalim kýrstan ótip, barlyq 655 mektep jańa kompiýterler men interaktivti quraldarmen jabdyqtaldy.
Sondai-aq tehnikalyq jáne kásiptik bilim berý júiesine basa nazar aýdarylýda. Kelesi jyly World Skills standarty boiynsha kolledjderdi jabdyqtaý jumystary jalǵasyn tabady. Oǵan «Jas maman» respýblikalyq jobasynyń resýrstary tartylady.
Bul maqsatta oblysta tehnikalyq jáne kásiptik bilim berý júiesin damytý úshin keshendi jospar ázirlengen. Soǵan sáikes tehnikalyq jáne kásiptik bilim berý salasynyń mańyzy artatyn bolady. Esterińizge sala keteiik, 23,8 myń túlektiń 6,7 myńy nemese 30 paiyzy kolledjderde oqýǵa niet bildirgen. Al biylǵy oqý jylynda 7,9 myń bala kolledjderde tegin bilim alýǵa múmkindik aldy.
Onyń ishinde ótken jyly oqý bitirgen jastar da bar.
Osy maqsatta oblystyq biýdjetten qajetti mamandardy daiarlaý úshin memlekettik tapsyrysty oryndaýǵa 6,2 myń oryn bólindi. Budan bólek respýblikalyq biýdjetten Nátijeli jumyspen qamtý jáne jappai kásipkerlikti damytý baǵdarlamasy aiasynda 1730 oryn qarastyrylǵan.
Tamyz konferentsiiasynyń sońynda Danial Ahmetov Shyǵys Qazaqstan oblysyndaǵy bilim berý salasynyń úzdik qyzmetkerlerin marapattady.
Kókpekti aýdany, Samar aýylyndaǵy J.Bolǵanbaev orta mektep-litseiiniń ujymy 2019 jyldyń eń úzdik bilim berý mekemesi atandy.
Mektep direktory Baian Baǵisovaǵa atalmysh mekemeni damytý maqsatynda 34 million teńgeniń sertifikaty usynyldy. «Tehnikalyq jáne kásiptik bilim berý júiesindegi eń úzdik uiymy» atalymyn Semeidegi elektrotehnikalyq kolledjdiń ujymy jeńip aldy.
Kolledj direktoryna 34 million teńgeniń sertifikaty tabystaldy.
Al Aiagóz aýdanyndaǵy S.Ǵabbasov orta mektebiniń aǵylshyn tili pániniń muǵalimi Bahtigúl Asylhanovaa «Úzdik trener 2019» atalymyn ielenip, 500 myń teńge kóleminde syiaqy aldy.
Budan bólek 10 muǵalimge Óskemende salynǵan úilerdiń kiltteri tabystaldy.
