Ó.Shókeev: «Nur Otan» partiiasynyń ashyq alańynda halyqpen jii kezdesemin»
– Partiia ashyq bolýy tiis. Onyń ǵimaratyna ár adam erkin kirýi tiis. Osy oraida oblystaǵy jobalyq keńse menbirge «Nur Otan» partiiasy oblystyq filialy «Open space» formatymen jumys isteýi tiis. Ol úshin basqa ǵimaratqa kóshedi. Men ózim osy ashyq alańǵa kelip, partiiamen birge halyq pen jii kezdesetin bolamyn, – dedi Ó. Shókeev.
Jiynda baiandama jasaǵan partiia filialy Tóraǵasynyń birinshi orynbasary Beisen Tájibaev oblystaǵy birqatar máselelerge toqtaldy.
– Demografiialyq ósimi eń joǵary Túrkistan oblysyndaǵy 2 millionǵa jýyq turǵynnyń 464 033 myńy – oqýshy balalar. Osy balalardyń jan-jaqty damýyna, quqyǵynyń qorǵalýyna bárimiz jaýaptymyz. Alaida, bilim berý uiymdarynda ótkizilip jatqan aýqymdy sharalarǵa qaramastan jasóspirimder arasyndaǵy qylmys pen quqyqbuzýshylyq deńgeii tómendemeýde. Búgingi bala – erteńgi qoǵam múshesi, memleketti qalyptastyratyn tulǵa dep qarasaq, balalardyń quqyǵyn saqtaýdy barlyǵymyz osyndai alqa otyrystarynda ashyq talqylap iske asyrsaq, bolashaq urpaqtyń zorlyq-zombylyqqa ushyramasy anyq. Osy maqsatta otbasy institýtyn qoldaýǵa baǵyttalǵan «Baqytty otbasy» jobasy aiasynda partiianyń oblystyq, aýdandyq, qalalyq filialdary janynan «Balalardyń quqyqtary men zańdy múddelerin qamtamasyz etý jónindegi monitoring júrgizý jáne qoǵamdyq baqylaý toptary qurylyp, birshama jumystar atqaryldy jáne oblys boiynsha ómirlik qiyn jaǵdaidaǵy kópbalaly otbasylarǵa monitoring júrgizilýde, – dep atap ótti partiia filialynyń birinshi orynbasary Beisen Tájibaev.
Oblystaǵy ekinshi ózekti másele – jumyssyzdyq. Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy sheńberinde 2019 jyly 71 828 adamdy jumyspen qamtý sharalaryna qatystyrý josparlanyp, naqty 43 296 adam jumyspen qamtý sharalaryna qatysqan, bul halyqtyń nebári 60,2%-yn qurap otyr.
Sondai-aq Shardara, Keles, Jetisai, Maqtaaral, Saryaǵash aýdandarynda aýyldyń ishki joldary men respýblikalyq mańyzy bar trassalardyń sapasy syn kótermeidi.
Atalǵan 5 aýdannyń halyq sany 700 myńǵa jýyq. Osy halyqtyń ómiri tikelei jolmen tyǵyz bailanysty. Statistikaǵa súiensek, jol nasharlyǵynan 2019 jyldyń alǵashqy 7 aiynda 117 jol-kólik oqiǵasynda 16 adam qaitys bolǵan. Bul degenimiz «Nur Otan» partiiasynyń elimizdegi injenerlik-áleýmettik infraqurylymdy damytýǵa baǵyttalǵan «Qutty meken» ulttyq jobasynyń óz dárejesinde iske aspai otyrǵandyǵyn ańǵartady.
– Shekaralas aýmaqtaǵy strategiialyq mańyzy bar osy aýdandardaǵy joldardyń sapasyn jaqsartatyn kez jetti. Bul – el tilegi. Sondyqtan atalǵan aýdandardyń joldaryn jańartýdy jáne osy baǵyttaǵy jumysty jandandyrý úshin partiianyń XVIII Sezinde qabyldaǵan «Qutty meken» ulttyq jobasy aiasynda partiialyq baqylaýdy kúsheitý diusynamyz, – dedi partiia filialy tóraǵasynyń birinshi orynbasary.
Sonymen qatar, qazirgi tańda áleýmettiń ózekti taqyrybyna ainalǵan ataýly áleýmettik kómekti alýdaǵy zańsyzdyqtar da sóz boldy. "E-Halyq" aqparattyq júiesiniń derekterine sáikes, 1000-ǵa jýyq otbasy tabysy tómen jáne muqtaj otbasylarǵa ǵana beriletin ataýly áleýmettik kómekti zańsyz alý úshin ózderiniń naqty tabysyn jasyrǵan. Osyǵan bailanysty, "Memlekettik ataýly áleýmettik kómek týraly» QR Zańyn buzyp, ruqsatsyz tólengen tólemderdi qaitarý jáne qaita qaraý, zańbuzýshylyqtardyń aldyn-alý boiynsha árbir anyqtalǵan fakti boiynsha jeke-jeke jumys júrgizilip jatqanyn B. Tájibaev alǵa tartty.
Elbasynyń tapsyrmasyna sáikes, «Nur Otan» partiiasy Túrkistan oblystyq filialy qoǵam belsendilerin, memlekettik organ basshylaryn, máslihat depýtattaryn, áleýmettik jeli belsendilerin tarta otyryp, oblystyń ózekti máselelerin talqylap, tiisti usynystar berý úshin «Túrkistan talqy» dialogtyq alańyn iske qosýdy josparlap otyr. Maqsaty – memlekettik organdar men qarapaiym halyq arasynda keri bailanys ornatý.
Osy joba arqyly partiia filialy qoǵamdaǵy, óńirdegi eń ózekti máselelerdi ashyq talqylaidy.
Sondai-aq, partiia filialy azamattardan kelip-túsken aryz-ótinishterdi der kezinde qaraý, olardy zań aiasynda ońtaily sheshý maqsatynda oblystyq partiia filialynyń ǵimaratynda memlekettik organ basshylarynyń qatysýymen apta saiyn taqyryptyq qoǵamdyq qabyldaýlar ótkizýdi áleýmettik jelilerde tikelei efirde ótkizetin bolady.
«Nur Otan» partiiasy Túrkistan oblystyq filialynyń baspasózqyzmeti
