Bul jóninde oblystyq bilim berý qyzmetkerleriniń tamyz konferentsiiasynda oblys ákimi Danial Ahmetov málimdedi. Aimaq basshysy oblystyq mektepterdiń tsifrlandyrý júiesine tolyqtai kóshý qajettiligin, mamandardyń biliktiligin arttyrý máselesin alǵa tartty.
Aimaqtaǵy bilim ordalarynda ǵylymǵa den qoiýǵa negiz bar. Mektepter IT synyptarmen jabdyqtalǵan,al pedagogtardyń bilimi joǵary.
Mysaly, qaladaǵy 25-shi arnaiy litseide balalar ushqyshsyz ushaqtardy basqarýǵa arnalǵan baǵdarlamalardy igerýde.
Shyǵys Qazaqstan bilim berý salasynda el boiynsha úzikterdiń qatarynan túspei keledi. Ólkede alǵash bolyp úsh tildilik júiesi engizilip, tuńǵysh ret ret barlyq mektepter jappai IT- synyptarmen jabdyqtaldy.
Endi osy qolda bar múmkindikti ary qarai jetildirý qajet. Sońǵy eki jylda 1125 muǵalim qaita daiarlyqtan ótip, «IT mamany» degen mamandyqqa ie boldy. Bunyń barlyǵy on nátijesin berýde.
Osy rette oblys ortalyǵy Óskemen qalasynda Skills for geeks jáne IT-hakaton Jastar Time chempionttary óttip, jas bilikti mamandar ózderiniń ozyq tehnologiialyq jobalaryn qorǵady. Jastardyń zamanaýi oilaryna qoldaý bildirip, tájiribelik kómek kórsetý maqsatynda Jastar Time zamanaýi innovatsiialyq ortalyǵy ashylǵan bolatyn.
– Aǵymdaǵy jyly Semei qalasyndaǵy innovatsiialyq mekteptiń jobalyq josparyn jasaý qajet. Sonymen qatar Óskemen qalasyndaǵy jańa 19 shaǵyn aýdanda daryndy balalarǵa arnalǵan 700 oryndyq matematikalyq mektep ashý qajet, - dedi ShQO ákimi.
Sonymen qatar tildik pán muǵalimderiniń biliktiligin arttyrý máselesine basymdylyq berilmek. Jiyn barysynda úzdik ustazdar marapattalyp,10 muǵalimge páter kilti tabystaldy. Samar aýylynyń mektebi men Semeidiń elektrotehnikalyq kolledji úzdik oqý orny dep tanylyp, árqaisysy 34 million teńgeniń grantyn ielendi.
Ásem Jylqysheva, Óskemen qalasy
