Parlament Senatynyń tóraǵasy Máýlen Áshimbaev bastaǵan AES salýdy qoldaý jónindegi halyq shtabynyń músheleri Abai oblysyna keldi, dep habarlaidy Dalanews.kz.
Shtab quramynda depýtattar, sarapshylar jáne belsendi azamattar bar. Olar referendýmǵa orai júrgizilip jatqan aqparattyq-túsindirý jumystary aiasynda aýylsharýashylyq ónimderin óndirýshilermen, bilim berý salasynyń mamandarymen jáne kommýnaldyq qyzmetter salasyndaǵy eńbek ujymdarymen kezdesti. Kezdesýlerde ekologiialyq jáne ekonomikalyq problemalardy sheshý jolynda AES salýdyń mańyzy sóz boldy.
Máýlen Áshimbaev óz sózinde qazirgi tańdaklimattyń ózgerýine jáne ekologiianyń nasharlaýyna bailanysty búkil álem túrli syn-qatermen betpe-bet kelip otyrǵanyna nazar aýdardy. Sondai-aq ol ýaqyt ótken saiyn elektr energiiasynyń tapshylyǵy artyp otyrǵanyn tilge tiek etti. Búginde elimizdegi energiia óndirisiniń negizgi kólemi, iaǵni 70 paiyzdan astamy kómir elektr stansalaryna táýeldi. Kezdesýde energiia óndirisin arttyrýdyń jáne onyń ekologiiaǵa áserin azaitýdyń mańyzyna, bul jolda atom elektr stansasyn salý eń tiimdi qadamdardyń biri ekeninede basa mán berildi.
Shtab músheleri "Prirechnoe agrofirmasy" JShS-nyń bazasynda oblystaǵy aýylsharýashylyq ónimderin óndirýshilermen júzdesti. Odan bólek,"Eikos" JShS-nyń kásipkerlerimen jáne qyzmetkerlerimen, sondai-aq, kommýnaldyq sektor kásiporyndarynyń ujymdarymen kezdesýler ótkizip, atalǵan máselelerdi keńinen talqylady.
"Memleket basshysy Qasym-Jomart Kemeluly Toqaevtyń bastamasymen 6 qazanda Qazaqstanda AES salý máselesine qatystyrespýblikalyq referendým ótedi. Atom elektr stansasy – kómirqyshqyl gazynyń shyǵaryndylaryn jáne kómirge táýeldilikti azaitýdyń eń tiimdi joldarynyń biri. AES-tiń kómir stansalarynan aiyrmashylyǵy zor. Atalǵan sala qorshaǵan ortany ýly gazdarmen, kúlmen nemese quramynda munai ónimderi bar ziiandy qaldyqtarmen lastamaidy. Bul – atom energiiasy tabiǵatqa ziian keltirmeitin,ekonomikamyzdyń damýyna tyń serpin beretin taza jáne turaqty energiia kózimen qamtamasyz etedi degen sóz", – dedi Palata spikeri.
Bilim berý salasynyń qyzmetkerlerimen kezdesýde Máýlen Áshimbaev AES salý máselesine keshendi kózqaras qajet ekenin aitty. Bul rette jańa tehnologiialardy zerdeleý jáne óndiriske innovatsiiany engizý mańyzdy. Sonymen birge Senat tóraǵasy durys sheshim qabyldaýǵa kedergi keltiretin qasań qaǵidalardyń saldaryna da toqtalyp ótti.
"AES-tiń qaýipsizdik máselesi kópshilikti alańdatyp otyrǵanyn bilemiz. Mundai alańdaýshylyqqa ótken ǵasyrda bolǵan iadrolyq synaqtar men apattar sebep ekeni anyq. Osy rette qazirgi atom stansalary senimdi, eń ozyq jáne tekserilgen tehnologiialar arqylysalynyp jatqanyn erekshe atap ótkim keledi. Bul oraida áńgime III jáne III+ býyndar týraly sóz bolyp otyr. Eger halyq referendýmǵa shyǵarylǵan máseleni qoldasa, elimizde atom elektr stansasy eń joǵary álemdik standarttarǵa sai salynyp, jabdyqtalady.
Atalǵan iste adamdardyń qaýipsizdigi negizgi basymdyq bolatyny sózsiz. Jobany iske asyrý kezinde tabiǵi apattarǵa jáne basqa da yqtimal syn-qaterlerdiń aldyn alý úshin qajetti sharalareskeriledi. Stansanyń qaýipsiz jumysy MAGATE-niń jáne basqa da halyqaralyq uiymdardyń muqiiat qadaǵalaýynda bolady. Munyń bári AES-tiń jumysyn jáne ony paidalaný kezeńin senimdi baqylaýǵa kepildik beredi", – dep Senat Spikeri azamattardy el igiligi úshin referendýmǵa belsendi qatysýǵa shaqyrdy.
