Jiynǵa QR Premer-Ministri Oljas Bektenov, QR Premer-Ministriniń orynbasary Qanat Bozymbaev, Sý resýrstary jáne irrigatsiia ministri Nurjan Nurjigitov, HAQQ Atqarý komitetiniń tóraǵasy Ashat Orazbai, Tájikstan Respýblikasy Premer-Ministriniń orynbasary Sýlaimon Ziiozoda, Túrikmenstan Ministrler Kabineti Tóraǵasynyń orynbasary Tangrykýli Atahallyev, Ózbekstan Respýblikasy Prezidentiniń keńesshisi Shýhrat Ganiev qatysty, – dep habarlaidy Dalanews.kz.
Qyrǵyzstannan baqylaýshy retinde Qyrǵyzstannyń Qazaqstandaǵy Tótenshe jáne Ókiletti elshisi Dastan Diýshekeev qatysty.
Taraptar eki aýqymdy jobany iske asyrý barysyn talqylady. Alǵashqysy - Aral teńizi basseini elderine kómek kórsetý jónindegi is-qimyl baǵdarlamasy, onyń sheńberinde óńirde 35 joba iske asyrylyp jatyr. Ekinshisi - «jasyl» ekonomika qaǵidattaryn damytýǵa jáne klimattyń ózgerýine beiimdelýge baǵyttalǵan Ortalyq Aziiadaǵy ornyqty damý úshin qorshaǵan ortany qorǵaý jónindegi óńirlik baǵdarlama.
Otyrystyń kún tártibinde qaralǵan taǵy bir taqyryp - HAQQ-nyń uiymdyq qurylymy men sharttyq-quqyqtyq bazasyn jetildirý jónindegi jumys tobynyń jumysy boldy. Qordyń Atqarý komitetiniń tóraǵasy Ashat Orazbai osy aidyń basynda Astanada ótken jumys tobynyń 12-shi otyrysynyń qorytyndysy týraly aityp berdi. Jumys tobynyń qyzmeti sheńberinde qazaqstandyq tarap sý-energetikalyq yntymaqtastyqty damytý jóninde bastama jasady.
– Bul Syrdariia men Amýdariia ózenderiniń basseinderindegi memleketterdiń sý múddelerin ǵana emes, energetikalyq múddelerin de eskerýge, sý men elektr energiiasyn paidalaný máselelerin keshendi sheshýge múmkindik beredi. Sýshylar men energetikterdiń tikelei ózara is–qimyly anomaldy klimattyq jaǵdai kezinde, máselen, sý tasqyny men qurǵaqshylyqta kelisilgen sheshim qabyldaýǵa kómektesedi,
– dedi Sý resýrstary jáne irrigatsiia ministri Nurjan Nurjigitov.
Sondai-aq, otyrysqa qatysýshylar Dúniejúzilik bankpen birlesken Ortalyq Aziiadaǵy gidrometeorologiialyq qyzmet kórsetýdi jańǵyrtý jobasyn iske asyrý qorytyndysyn jáne Qazaqstan men Frantsiia birlesip ótkizetin «Biryńǵai sý» sammitine HAQQ Atqarý komitetiniń qatysýyn talqylady.
Talqylaý qorytyndysy boiynsha HAQQ Basqarma otyrysynyń sheshimderine qol qoiý rásimi ótti.
Sonymen qatar, qatysýshylar Qazaqstannyń 2024-2026 jyldary HAQQ tóraǵalyq etý kezeńine arnalǵan Atqarý komitetiniń jumys josparyn bekitti. Qujat quryltaishy memleketterdiń basshylary men HAQQ Prezidentiniń tapsyrmalaryn iske asyrý, Qordyń uiymdyq qurylymy men sharttyq-quqyqtyq bazasyn jetildirý jáne t.b. máseleler boiynsha 10 baǵyttan jáne 40-tan astam is-sharadan turady.
