Qazaqstanda ótip jatqan respýblikalyq referendýmǵa halyqaralyq baqylaýshylar da qatysýda. Solardyń qatarynda Tájikstan Respýblikasynyń Ortalyq sailaý jáne referendým komissiiasynyń tóraǵasy Hýdoiorzoda Bahtiior bar, dep habarlaidy Dalanews.kz.
Ol Qazaqstanǵa TMD, Shanhai yntymaqtastyq uiymy, Parlamentaralyq assambleia jáne Ujymdyq qaýipsizdik týraly shart uiymynyń missiiasy quramynda kelgenin aitty.
«Biz Qazaqstannyń Ortalyq sailaý komissiiasynyń shaqyrýymen referendýmdy daiyndaý jáne ótkizý barysyn baqylaýǵa keldik. Astanada bolǵan ýaqyt ishinde referendýmǵa daiyndyq jumystarymen tanystyq, sondai-aq búgin daýys berý protsesin tikelei baqyladyq», – dedi Hýdoiorzoda Bahtiior.
Baqylaýshynyń pikirinshe, referendýmdy uiymdastyrý úshin aýqymdy jáne jan-jaqty daiyndyq jumystary júrgizilgen. Ýchaskelik jáne aýmaqtyq komissiia músheleri referendým ótkizýdiń barlyq kezeńderi boiynsha arnaiy daiyndyqtan ótken.
«Bul Qazaqstannyń Ortalyq sailaý komissiiasy saiasi naýqandy joǵary deńgeide uiymdastyrǵanyn kórsetedi. Daýys berý quqyǵy bar azamattar ýchaskelerge erkin jáne óz erkimen kelip, daýys berýde. Bul – referendým ótkizý kezinde azamattardyń erkin tańdaýy men ashyqtyq printsipteriniń saqtalyp otyrǵanynyń dáleli», – dedi ol.
Sóz sońynda ol Qazaqstan halqyna beibitshilik, birlik pen turaqty damý tileitinin jetkizdi.
