Sý resýrstary jáne irrigatsiia birinshi vitse-ministri Nurlan Aldamjarov 2023 jyldan beri Soltústik Aral teńizin saqtaýǵa respýblikalyq biýdjetten shamamen 4 mlrd teńge bólingenin málimdedi, dep habarlaidy Dalanews.kz.
Onyń aitýynsha, qazir jobanyń ekinshi kezeńi daiyndalyp jatyr, al qarjylandyrý máselesin jaqyn ýaqytta sheshý josparlanyp otyr.
"Qazir tehnikalyq-ekonomikalyq negizdeme saraptamadan ótip jatyr, aiaqtalýǵa jaqyn. Qarjylandyrý boiynsha halyqaralyq qarjy uiymdarymen, sonyń ishinde Dúniejúzilik bankpen jumys júrgizip jatyrmyz. Qazirgi tańda kelissózder júrip jatyr, jýyrda qarjylandyrý kólemi naqty anyqtalady", – dedi Nurlan Aldamjarov Úkimettegi brifingte.
Aita keteiik, keiingi derek boiynsha kishi Aralda sý kólemi artyp, 23 milliard tekshe metrge jetken.
"Aqlaq sý" tospasy arqyly teńizge sekýndyna 50 tekshe metr sý jiberilip jatyr. Al "Kókaral" bógetin nyǵaitý jumystary jyl sońyna deiin aiaqtalmaq. Sondai-aq, bógetti biiktetý jáne soltústik Araldy saqtaý jobasynyń ekinshi kezeńi júzege asady.
