سۋ رەسۋرستارى جەنە يرريگاتسييا بٸرٸنشٸ ۆيتسە-مينيسترٸ نۇرلان الدامجاروۆ 2023 جىلدان بەرٸ سولتٷستٸك ارال تەڭٸزٸن ساقتاۋعا رەسپۋبليكالىق بيۋدجەتتەن شامامەن 4 ملرد تەڭگە بٶلٸنگەنٸن مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, قازٸر جوبانىڭ ەكٸنشٸ كەزەڭٸ دايىندالىپ جاتىر, ال قارجىلاندىرۋ مەسەلەسٸن جاقىن ۋاقىتتا شەشۋ جوسپارلانىپ وتىر.
"قازٸر تەحنيكالىق-ەكونوميكالىق نەگٸزدەمە ساراپتامادان ٶتٸپ جاتىر, اياقتالۋعا جاقىن. قارجىلاندىرۋ بويىنشا حالىقارالىق قارجى ۇيىمدارىمەن, سونىڭ ٸشٸندە دٷنيەجٷزٸلٸك بانكپەن جۇمىس جٷرگٸزٸپ جاتىرمىز. قازٸرگٸ تاڭدا كەلٸسسٶزدەر جٷرٸپ جاتىر, جۋىردا قارجىلاندىرۋ كٶلەمٸ ناقتى انىقتالادى", – دەدٸ نۇرلان الدامجاروۆ ٷكٸمەتتەگٸ بريفينگتە.
ايتا كەتەيٸك, كەيٸنگٸ دەرەك بويىنشا كٸشٸ ارالدا سۋ كٶلەمٸ ارتىپ, 23 ميلليارد تەكشە مەترگە جەتكەن.
"اقلاق سۋ" توسپاسى ارقىلى تەڭٸزگە سەكۋندىنا 50 تەكشە مەتر سۋ جٸبەرٸلٸپ جاتىر. ال "كٶكارال" بٶگەتٸن نىعايتۋ جۇمىستارى جىل سوڭىنا دەيٸن اياقتالماق. سونداي-اق, بٶگەتتٸ بيٸكتەتۋ جەنە سولتٷستٸك ارالدى ساقتاۋ جوباسىنىڭ ەكٸنشٸ كەزەڭٸ جٷزەگە اسادى.
