Semeı qalasyndaǵy fızıka-matematıka baǵytyndaǵy Nazarbaev Zıatkerlik mektebiniń 12 synyp oqýshysy Dalıla Gafar Shyr­maýyq lı­gasyna («Lıga plúsha») múshe AQSH-tyń Pensılvanıa  ýnıversıtetine shaqyrtý aldy. Tarıhy 1740 jyldan bastalatyn kóne oqý ornynan qýanyshty habar estigen shákirtimiz ben onyń ustazdary úlken qýanysh ústinde júr.

Dalıla mektebimizdegi ozat shákirtterdiń biri. Altyn belgige úmitkerlerdiń qatarynda. Bolashaǵyn zań jáne bıznes salasymen baılanystyrýdy josparlap otyrǵan ol álemdik reıtıńi joǵary oqý ornynda bilim alýdy armandaǵan.

- Ózge qatarlastarym sıaqty mende ózimniń keleshegime qajetti mamandyq boıynsha dáris beretin kóptegen oqý oryndaryna qujat tapsyrdym. Basym kópshiligi – AQSH pen Kanada memleketterinde ornalasqan ýnıversıtetter. Solardyń alǵashqysy bolyp Fıladelfıa qalasyndaǵy Pensılvanıa ýnıversıtetinen shaqyrtý keldi. Óte qýanyshtymyn.  Osy oqý ornynda quqyq pen bıznes salalaryn qamtıtyn quqyq negizderi men bıznes etıkasy (legal studies and business ethics) degen erekshe mamandyq bar. Bul maǵan qajetti mamandyq. Bakalavrıat bitirisimen, zańgerlik ǵylymdar doktory mamandyǵynda oqýymdy jalǵastyrǵym keledi. Sonymen qatar, AQSH¬-ta zańger bolyp tájirıbe jınaqtaýdy maqsat etip otyrmyn, -deıdi shákirtimiz.

Shyr­maýyq lıga­sy­na («Lıga plúsha»)  enetin ýnı­ver­sıtetter bilim sa­pa­­synyń joǵa­ry­lyǵymen erek­she­lenedi. Olar: Braýn, Garvard, Dartmýt koleji, Iel, Kolýmbıa, Kor­nell, Pen­sıl­vanıa jáne Prın­ston ýnı­ver­sıtetteri.

Semeı qalasyndaǵy fızıka-matematıka baǵytyndaǵy Nazarbaev Zıatkerlik mektebiniń baspasóz qyzmeti