Qala ekonomikasynda ónerkásiptiń, qurylystyń, áleýmettik ekonomika men jańa indýstriianyń úlesi mardymsyz. Qala ekonomikasynyń 33%-yn quraityn saýda sol kúiinde qalýda, al bul qalanyń jedel qarqynmen damýyna múmkindik bermeidi.
– Sondyqtan biz qala ekonomikasyn qurylymdyq reformalaýǵa bet aldyq. Jańa ekonomika sektorlary basty nazarda. Saýda úlesin birtindep azaityp, joǵary biliktilikti qajet etetin óndiristik salalardyń damýyn kúsheitý qajet, olar – kásibi jáne ǵylymi-tehnikalyq qyzmetter, qarjy jáne saqtandyrý, aqparattyq-kommýnikatsiialyq tehnologiialar, sondai-aq kreativti ekonomika salalary, – dedi B. Saǵyntaev.
Almaty Qazaqstandaǵy eń iri tutynýshy naryǵy jáne eldegi kóterme jáne bólshek saýdanyń eń kóp úlesin alatyndyqtan, logistikalyq áleýetti damytýǵa da basa nazar aýdarylatyn bolady.
Halyqaralyq áýejaidy keńeitýdiń qala úshin mańyzy zor. Jaqyn arada halyqaralyq áýejaidyń jańa terminalynyń qurylysyn bastaý josparlanýda. Terminaldy iske qosqan kezde jolaýshylar aǵynyn jylyna 6 mln adamǵa kóbeitý josparlanýda, al ótkizý qabileti 2,5 esege artatyn bolady.
