Biyl Almatyda quny 40,5 mlrd teńgeniń 9 jobasyn iske qosylady
Búginde Almatynyń Indýstrialdy aimaǵynda 100 mlrd teńgeniń ónimin óndirýge múmkindik beretin 14 investitsiialyq joba júzege asýda. Biylǵy jyldyń sońyna deiin 40,5 mlrd teńgeniń 9 jobasyn iske qosý josparlanýda. Iri jobalardyń biri – Hyundai jeńil avtomobilderin shyǵaratyn zaýyt.
Almaty Business baǵdarlamasy aiasynda Indýstrialdy aimaqpen qatar 10 shaǵyn óndiristik park quryldy. Investitsiialardyń jalpy somasy – 5,3 mlrd teńge, onyń ishinde 2020 jyly 3 óndiristik park iske qosyldy, jyl sońyna deiin 5 óndiristik parkti ashý josparlanýda. Munda 1,1 myńnan astam jumys orny qurylady. Óndiristik parkterde tamaq, jeńil ónerkásip, jihaz jáne ónerkásiptik qurylys salalarynyń 29 kásiporyny jumys jasaýda.
Joǵary tehnologiialy kompaniialar úshin «Innovatsiialyq tehnologiialar parki» arnaiy ekonomikalyq aimaǵy bar. Infraqurylym salyndy, qatysýshylarǵa salyqtyq jáne kedendik jeńildikter usynylýda. Qazaqstanda alǵashqy farmatsevtikalyq klasterdi qurý úshin 4 kompaniia tartyldy, al investitsiia kólemi 33 mlrd teńge. Sondai-aq, qural-jabdyqtar jasaityn salada quny 10,3 mlrd teńge bolatyn 4 joba júzege asyrylady.
Jobalardy iske asyrýda Almatynyń Iskerlik keńesi aýqymdy jumystar júrgizdi, óitkeni onyń quramynda biznestiń adamdary bar. Keńes janynan 9 salalyq komitet qurylǵan, bularda biznesti qoldaýdyń ózekti máseleleri talqylanady. Iskerlik keńestiń qatysýymen qala ekonomikasyn qalpyna keltirý jáne damytý boiynsha daǵdarysqa qarsy sharalar ázirlengen bolatyn.
