Keń baitaq jerge ielik etetin Qazaqstan úshin sanitarlyq aviatsiianyń jedel, ábjil áreket etýi qashan da mańyzdy. Jol qatynasy qiyn shalǵai eldimekenderdi mekendeitin aǵaiynnyń basy aýyryp, baltyry syzdasa sanaviatsiiadan basqa seneri joq. Sondyqtan mundai shuǵyl meditsinalyq kómek kórsetetin sanaviatsiianyń jyl ótken saiyn damytýdyń mańyzy zor.
Sanitarlyq aviatsiia aýyl men ortalyqtan shalǵai jatqan jerlerdegi meditsinalyq qyzmetterge qoljetimdilikti qamtamasyz etetin negizgi sala. Sol sebepti el azamattary sanaviatsiiany aýyl halqyna meditsinalyq kómekti jedel ári tiimdi kórsetetinin joǵary baǵalaidy.
Sanaviatsiia qyzmeti Qazaqstanda 2011 jyly jumysyn bastap, jyl ótken saiyn qyzmet aýqymy keńeiip keledi. Búginde bul qyzmetti densaýlyq saqtaý salasyndaǵy tsifrlandyrýmen tyǵyz bailanystyrýdyń mańyzy zor. Óitkeni tsifrlandyrý salasy meditsinalyq kómekke muqtaj azamattardy qashyqtyqtan diagnostikalaý men emdeýdi qashyqtan uiymdastyrýǵa bolady.
Osy rette elimizdegi sanaviatsiia qyzmetiniń negizgi baǵyttaryna toqtala ketsek. Qazir sanaviatsiia aýylǵa shuǵyl meditsinalyq kómek kórsetip keledi. Aýyldaǵy aǵaiynǵa meditsinalyq brigadalar áýe jolymen jedel jetip, tiisti em-sharalardy júrgizip, talai adamdy ajaldan arashalyp qalǵanyn bilemiz. Aýyr haldegi naýqastardy qaladaǵy iri emhanalarǵa, arnaiy meditsinalyq ortalyqtarǵa jetkizip júrgen sanaviatsiia mamandaryna halyqtyń aitar alǵysy kóp.
Sol sebepti bul salany tehnologiialyq jabdyqtap, jańǵyrtýdy úzdikiz júrgizý kerek. Mamandardyń sózine sensek, qazir elimizdegi sanitarlyq aviatsiia qyzmetiniń ushaqtary men tikushaqtary reanimatsiialyq tehnikamen tolyqtai jabdyqtalǵan. Naýqastyń jaǵdaiyn turaqtandyratyn meditsinalyq qurylǵylardyń bári bar.
Sońǵy eki jyl kóleminde sanaviatsiia qyzmeti 3 myńnan astam shuǵyl meditsinalyq tasymaldaýdy júzege asyrǵan. Bul kórsetkish sanitarlyq aviatsiianyń aýyl men shalǵai jerlerdegi halyq úshin qanshalyqty qajet ekenin kórsetedi.
Búginde sanaviatsiia salasynyń kezek kúttirmei sheshýdi qajet etetin máseleler de bar. Aitalyq, qazir janarmai shyǵyny men áýe kóliginiń qymbattyǵy memlekettik qazynaǵy biraz salmaq túsiretini jasyryn emes. Budan basqa kadrlyq másele de jii kezdesedi. Áýe meditsinasy salasynda tájiribeli mamandardyń jetispeýshiligi bar. Desek te elimizde sanitarlyq aviatsiianyń damýyna qatysty alǵa basýshylaqtar bar. Keleshekte sanaviatsiianyń tiimdiligin arttyrý úshin infraqurylym men mamandardy daiyndaý júiesin jaqsartý kerek.
2023 jylǵy derekterge nazar aýdarsaq, elimizdiń sanaviatsiia qyzmetinde 25 áýe kemesi halyqqa qyzmet kórsetýde. Oǵan tikushaqtar men ushaqtar kiredi. Sanaviatsiialyq ortalyqtar elimizdiń ártúrli aimaqtarynda ornalasyp, áýe kemeleri meditsinalyq kómek kórsetýdiń jedeldigin qamtamasyz etip keledi.
Sonymen qatar, sanitarlyq aviatsiia qyzmetin uiymdastyrý barysynda Qazaqstandaǵy áýe kompaniialarynyń resýrstaryn da paidalanamyz. Osylaisha shalǵaidaǵy shaǵyn aýyldarǵa jedel kómek kórsetý isin júzege asyryp kele jatqanyn aita ketýimiz kerek.
Sanitarlyq aviatsiia parki aldaǵy ýaqytta áýe kemeleriniń sanyn arttyryp, olardy jabdyqtaýyn jaqsartýdy josparlap otyr. Óitkeni, densaýlyq saqtaý salasyndaǵy suranys jyl saiyn artýyp keledi.
Búgingi tańda Qazaqstanda memlekettik sanaviatsiiaǵa bólinetin qarjysy jyl ótken saiyn artýda. 2023 jylǵy derekterge nazar aýdarsaq, atalmysh salanyń qyzmetine jylyna shamamen 5 milliard teńge bólingenin baiqaimyz. Bul qarjyǵa áýe kemelerin ustaý, tehnikalyq qyzmet kórsetý jáne ushaqtar men tikushaqtar ornatylǵan reanimatsiialyq jáne diagnostikalyq apparattardy jóndeý, jańartý keretinin aita ketýimiz kerek.
Budan basqa sanaviatsiia salasynda jumys isteitin meditsinalyq personaldyń, ushqyshtar men tehnikalyq qyzmetkerlerdiń jalaqysy da kiretinin aita ketýimiz kerek. Shalǵaidaǵy jerlerdegi kómek kórsetý úshin infraqurylymdy damytý, áýejailar men qoný alańdaryn kútip baptap ustaýdyń mańyzy zor.
Qazaqstanda sanaviatsiianyń mańyzy artqan saiyn, qarjylandyrý kólemi de óse beretini sózsiz. Aldaǵy jyldary sanitarlyq aviatsiiany jańǵyrtý men áýe parkiniń sanyn kóbeitý úshin qosymsha qarjy bólý josparlanyp otyr. kózdelip otyr. Jalpy, sanitarlyq aviatsiia eldegi meditsinalyq kómekti jedel ári tiimdi jetkizýde mańyzyn joiǵan emes. Joimaityny da anyq.
