Jambyl oblysynyń týmasy, 80 jastaǵy Saltanat Túıtebaev – tabandylyq pen jigerdiń naǵyz úlgisi. Ol ómiriniń kóp bóligin bilim salasyna arnap, muǵalim, mektep dırektory, keıin túrli salalarda basshylyq qyzmetter atqarǵan. Al zeınetke shyqqannan keıin sportqa qaıta oralyp, jeńil atletıka men marafon júgirýde álemdik deńgeıdegi nátıjelerge qol jetkizdi, dep habarlaıdy Dalanews.kz.
Saltanat aǵa 2016 jyly Avstralıada ótken ardagerler arasyndaǵy álem chempıonatynda kúmis júlde ıelenip, 2017 jyly Jańa Zelandıada ótken álemdik oıyndarda chempıon atandy. 2021 jyly Nú-Iork marafonynda júldeger bolsa, bıyl – 2025 jyly 80 jasynda dál osy marafonda jeńimpaz bolyp, tarıhı jetistikke jetti.
«Qozǵalys — ómir» degen ustanymmen ómir súretin ardager sportshy búgin de kún saıyn jattyǵý jasap, jańa jarystarǵa daıyndalýda. Onyń kelesi maqsaty — 2026 jyly Keıptaýnda ótetin ardagerler arasyndaǵy álem chempıonaty men 2027 jylǵy Japonıadaǵy Olımpıadaǵa qatysý.
Saltanat Túıtebaevtyń ómir joly – jastyń emes, rýhtyń jeńisi ekenin dáleldeıtin shabytty tarıh.
