Elimizde aýyldyq jerlerde densaýlyq saqtaý júiesin jetildirý ózekti máselelerdiń biri desek bolady. Bul baǵytta Úkimet birneshe mańyzdy qadamdar jasap, aýyl halqynyń sapaly medetsinalyq qyzmetke qoljetimdiligin arttyrýda júieli jumystar júrgizgenin bilemiz. Jalyp aýyl meditsinasyn damytý jolyndaǵy jumystar eshqashan toastamaityny anyq. Densaýlyq saqtaý salasyndaǵy ózgerister memlekettik baǵdarlamalar aiasynda júzege asyrýǵa baǵyttalǵan, ári ár oblystaǵy ózekti qajettilikterge sáikes beiimdelgenin aita ketýmiz kerek.
Búginde aýyldyq jerdegi meditsinalyq-sanitarlyq kómek kórsetý pýnktteriniń mańyzy qandai, mundai pýnktter qandai máselelerdi sheshedi. Qazir aýylda meditsina mamandary jetkilikti me? Bul suraqtar áli de óziniń ózektiligin joiǵan joq desek bolady. Qazir aýyldyq jerlerdegi meditsinalyq-sanitarlyq kómek kórsetý pýnktteri – aýyl turǵyndary úshin densaýlyq saqtaý júiesiniń negizi bolýda. Mundai shaǵyn pýnktter aýyl azamattaryna alǵashqy meditsinalyq kómek kórsetýde mańyzdy ról atqaryp, kúrdeli máselelerdi sheshýge kómektesip keledi.
Aýyldyq jerlerde aýrýhana nemese emhana joq jaǵdaida, meditsinalyq-sanitarlyq kómek kórsetý pýnktteri turǵyndarǵa jaqyn ornalasqan alǵashqy meditsinalyq mekeme retinde qyzmet kórsetip keledi. Meditsinalyq-sanitarlyq kómek kórsetý pýnktteri aýyl turǵyndarynyń kez kelgen aýrý túrinde alǵashqy kómek kórsetip, shuǵyl jaǵdailarda alǵashqy em-dom júrgizýdi oidaǵydai atqaryp keledi. Búginde shaǵyn aýyldy jerde aýrýhana ustaý múmkin emes.
Al meditsinalyq pýnktter halyqqa alǵashqy meditsianalyq kómekti kórsetip, budan basqa júrek talmasy, jaraqattar, allergiialyq reaktsiialar jáne júktilik jaǵdailary kezinde dereý kómek kórsetip, el azamattarynyń ómirin saqtap, aýyl azamattarynyń densaýylǵyn nyǵaýtýǵa óz úlesin qosyp keledi.
Búginde meditsinalyq-sanitarlyq kómek kórsetý pýnktteri qyzmetkerleri aýyl turǵyndaryn turaqty tekseristerden ótkizip, profilaktikalyq sharalardy da der kezinde júrgizip kele jatqanyn aita ketýimiz keledi. Jyl saiyn aýyl turǵyndary arasynda infektsiialyq aýrýlarǵa qarsy vaktsinalaý, qan qysymyn, qant deńgeiin tekserý siiaqty sharalardy meditsinalyq pýnkttiń mamandary tiisti deńgeide atqaryp keledi.
Bul baǵyttaǵy jumystar aýrýlardy erte bastan anyqtaýǵ múmkindik berip, aýyl turǵyndardyń densaýlyǵyn baqylaýda ustaýǵa jol ashyp otyr. Aýyl turǵyndary úshin jyl saiynǵy meditsinalyq tekserister olardyń densaýlyǵynyń deńgeiin anyqtap, aýyr saldardan saqtandyrýǵa kómektesetini belgili.
Aýyl turǵyndaryna sozylmaly, juqpaly aýrýlardy emdeý úshin dárigerlik kómek kórsetý isin meditsinalyq pýnkttiń qyzmetkerleri júzege asyrýda. Olar jergilikti densaýlyq saqtaý organdarymen birge jumys istep, qaýipti aýrýlardyń aldyn alý sharalaryn júrgizedi. Aýrýlardyń asqynýyn boldyrmaý jáne aldyn ala anyqtaý máselelerin sheshý arqyly densaýlyq saqtaý shyǵyndaryn azaitýǵa kómektesedi.
Ortalyqtan shalǵaida jatqan aýyl-aýdandarda kóp jyldan beri meditsina mamandarynyń jetispeýshiligi ózekti kúiinde qalyp kele jatqany jasyryn emes. Osy rette úkimet osy bir ózekti máseleni «Diplommen aýylǵa» baǵdarlamasy aryqyly sheshýge tyrysyp keledi. Bul baǵdarlama keibir jerde óz jemisin berse, kelsi basqa bir jerde másleni tolyq sheshe almai jatyr. Ásirese shalǵai aýyldarda, dárigerler men orta meditsinalyq personal jetkiliksiz kúiinde qalyp keledi. Densaýlyq saqtaý ministrligi elimizdiń Soltústik Qazaqstan, Qostanai, jáne Mańǵystaý oblystarynda meditsinalyq kadrlardyń jetispeýshiligi áli kúnge deiin ózekti bolyp otyrǵanyn alǵa tartqan bolatyn. Aitalyq, aýyldyq jerlerde, ásirese terapevtter, pediatrlar men akýsher-ginekologtar sekildi mamandarǵa suranys joǵary.
