– Biyl biz aýyl sharýashylyǵyndaǵy negizgi ózekti máselelerge nazar aýdaryp, ony júieli túrde sheshý joldaryn qarastyrdyq. Birinshiden, jylyjai sharýashylyqtaryn qoldaýdyń jańa tetikteri jasalyp, jylytý shyǵyndaryn sýbsidiialaý erejesi bekitildi. Biylǵy jylǵa bul maqsatta 500 mln. teńge bólindi.
Sondai-aq jylyjailardy bir ortalyqtan qatty otynmen qamtamasyz etý úshin arnaiy kooperativ qurylyp, kómir óndirýshilerden tikelei tasymaldaý kelisildi.
Sondai-aq maqta daqylyn rentabeldiligi joǵary dándik júgeri daqyldarmen almastyrý maqsatynda «Jylyna 150 myń tonna júgeri dánin tereń óńdeý zaýyty» jobasy júzege asyrylýda.
Úshinshiden, sý sharýashylyǵyn damytý úshin «Turan sý» memlekettik kásiporynnyń jumysyn júielendirý esebinen, kanaldardy qalpyna keltirý jáne tótenshe jaǵdailardyń aldyn alý jumystaryn merziminde atqarýǵa qol jetkizdik. Nátijesinde biýdjet qarjysy 28 paiyzǵa únemdelip, ekonomikalyq tiimdiligi 1,5 -2 ese joǵary boldy, – dedi Darhan Satybaldy.
Salada jańa tehnologiia keńinen qoldanýda. Qarqyndy baý kólemi biyl 5 405 gektarǵa jetkizildi. Nátijesinde, ónimdilik 5 esege artyp otyr. Buryn 60-70 tsentner bolsa, qazir 300-350 tsentnerge deiin ónim jinalýda.
Sý únemdeý tehnologiiasy 31 788 gektarǵa, «Bir alqaptan jylyna 2-3 ónim alý» jobasy 9 403 gektarǵa endirilip, sýdy 2 ese únemdeýge múmkindik berdi.
Mal sharýashylyǵynyń damýy boiynsha oblys respýblikada aldyńǵy orynda. Mal basy jáne ónimdiligi ortasha eseppen 5%-ǵa ósýde. Et eksporty boiynsha oblys respýblikada aldyńǵy orynda. Iri qara mal etiniń úlesi 85%, usaq mal – 60% quraidy. 10 myń tonna iri qara mal, 4,6 myń tonna qoi eti eksportqa jóneltildi.
