Jýrnalister aldymen qalashyq aýmaǵyn aralap, kúrdeli jóndeýden ótkizilgen oqý ǵimarattary men jataqhanalarda bolyp, mádeni-áleýmettik nysandardyń jumysymen tanysty.
Kezdesý barysynda Ál-Farabi atyndaǵy QazUÝ-dyń Basqarma tóraǵasy – Rektory Janseiit Qanseiituly jýrnalister qaýymyna oqý ornynyń damý baǵdarlamasy, kampýsty jańǵyrtý jospary jáne atqarylǵan jumystar týraly baiandap, jýrnalisterdiń suraqtaryna jaýap berdi.
Ál-Farabi atyndaǵy Qazaq ulttyq ýniversitetiniń tarihy tereńde, qalyptasqan dástúri bar, jetistigi mol elimizdegi kóshbasshy joǵary oqý orny. Qazir ýniversitet quramynda 16 fakýltet, 68 kafedra, 8 ǵylymi-zertteý institýty jáne 29 ǵylymi ortalyq jumys isteidi. Sonymen birge Meditsinalyq diagnostikalyq ortalyq, Ó.Joldasbekov atyndaǵy Stýdentter saraiy, «Keremet» stýdentterge qyzmet kórsetý ortalyǵy, Ystyqkólde sporttyq-saýyqtyrý lageri jumys isteidi. 140-qa jýyq ǵylymi jáne oqý-zertteý zerthanasy iske qosylǵan.
Ýniversitet basshysy óz sózinde joǵary oqý ornynda oqytýshylardy materialdyq jaǵynan yntalandyrýǵa erekshe kóńil bólinetinine toqtaldy. Máselen, biyl jalaqy eki ret kóterildi. Birinshi ret aqpanda 20 paiyzǵa ósse, ekinshi ret Bilim jáne ǵylym ministrliginiń nusqaýyna sáikes, 1 qyrkúiekten bastap belgilendi. Qazir muǵalimniń eń tómengi jalaqysy – 285 myń, aǵa oqytýshyǵa – 312 myń, – qaýymdastyrylǵan professorǵa – 389 myń, professorǵa 500 myń teńge kóleminde belgilendi.
QazUÝ-da 650-den astam bilim berý baǵdarlamalary jumys isteidi. Biyl eń ózekti ári perspektivalyq baǵyttar boiynsha 100-den astam jańa oqý baǵdarlamasy iske qosyldy. Olardyń qatarynda nevrologiia, kiberfizika, biologiialyq injeneriia, robottyq júieler, jaratylystaný men injenerlik-tehnikalyq baǵyttaǵy tabiǵi jáne tehnologiialyq táýekelder endi. Áleýmettik-gýmanitarlyq baǵytqa: memlekettik basqarý jáne qoǵamdyq qaýipsizdik, tsifrlyq ekonomika, kreativti indýstriialar, media-kommýnikatsiia, aqyldy qala ekonomikasy siiaqty mamandyqtar bar.
Búgingi kúni joǵary oqý ornynyń infraqurylymyn modernizatsiialaý jumysy óte qarqyndy júrip jatyr. Biyl 7 oqý ǵimaratynda kosmetikalyq jóndeý júrgizildi, 3 oqý ǵimaratynda kúrdeli jóndeý jumystary aiaqtalýda. 14 jataqhana jóndeýden ótip, stýdentterge qazirgi zamanǵa sai jaǵdai jasaldy. Kampýstyń aýmaǵy abattandyrylyp jatyr.
Ýniversitet rektory bilim berý men ǵylymnyń ozyq infraqurylymyn zaman talabyna sai damytýda áli de aýqymdy jumystar atqarylatynyn aitty. Jataqhanalar eskirgen, kópshiliginde paidalanýǵa berilgennen keiin kúrdeli jóndeý júrgizilmegen. Kommýnikatsiia júiesi apattyq jaǵdaida. 15 myńǵa jýyq stýdent jataqhanaǵa muqtaj. Sońǵy stýdenttik jataqhana 1991 jyly salynyp, paidalanýǵa berilgen. Oqý ǵimarattary tozǵan. Injenerlik jeliler men kommýnikatsiianyń jaǵdaiy syn kótermeidi. Jańa ǵimarattar men jataqhanalar qajet.
Osyǵan bailanysty kampýsty damytýdyń 2025 jylǵa deiingi jumys jospary jasaldy. Bilim jáne ǵylym ministrliginiń Qarjy ortalyǵymen birlese jataqhanalar salýǵa investorlar tartý boiynsha jumys júrgizilip jatyr. Sondai-aq qazir biýdjetke túsetin júktemeni azaitatyn sheteldik investitsiialardy tartýdyń túrli tetikteri qarastyrylýda.
Biyl ýniversitet ujymy 600-den astam aǵash otyrǵyzdy, Elbasy saiabaǵy, Aǵashtar alleiasy ashyldy.
Ál-Farabi atyndaǵy QazUÝ Baspasóz qyzmeti.
