QazUÝ ujymy Prezident Joldaýyn talqylady
Jiynda ýniversitettiń Basqarma Tóraǵasy – Rektory Janseiit Túimebaev Qazaqstan Táýelsizdiginiń 30 jyldyǵy qarsańynda jariialanǵan Joldaýdyń elimizdiń aldaǵy damý strategiiasyn aiqyndaýdaǵy mańyzdylyǵyna mán berdi.
Bilim ordasynyń basshysy el Prezidentiniń «Bolashaǵyn Otanymyzben bailanystyratyn árbir azamat qazaq tilin úirenýge den qoiýǵa tiis» degen sózin mysalǵa alyp, oiyn bylaisha sabaqtady:
– Bul tapsyrmany aitpai-aq túsinip jasaý – bizdiń mindetimiz. Qasym-Jomart Kemeluly alǵashqy Joldaýynda da «Qazaq tili ultaralyq qatynas tili bolýy qajet» dep basa aitqan bolatyn. Sebebi memlekettiń memleket bolýynyń basty belgisi, ol – til. Bizdiń tilimiz búginge deiin qandai fýnktsiialardy atqardy? Negizgi fýnktsiiasy onsyz da belgili. Alaida áli ǵylym tiline ainala alǵan joq. Qazaq tili ǵylym tili deńgeiine jetý úshin barlyǵymyz judyryqtai jumylyp jumys isteýimiz qajet, – dep atap ótti.
Sondai-aq bilim men ǵylym salasyna qatysty basty máselelerge toqtala kele, Joldaý júktegen jańa jaýapkershilik pen mindetterdiń oryndalýyna belsene atsalysýǵa shaqyrdy.
Joldaýda atalǵan oqý baǵdarlamalaryn jańa jaǵdaiǵa beiimdeý, sapaly kadr daiarlaý, tsifrlandyrý, ǵylymdy damytýǵa bailanysty mindetterdi júzege asyrýmen qatar, QazUÝ-dyń halyqaralyq jáne respýblikalyq reitingtegi ornyn nyǵaitý qajettigin jetkizdi.
QazUÝ-dyń Basqarma múshesi – akademiialyq máseleler jónindegi prorektory Fatima Jaqypova dástúrli oqý formatynyń erekshelikterine toqtalsa, aqparattyq tehnologiialar fakýltetiniń dekany Baidáýlet Ýrmashev aqparattyq júieniń sapasyn damytý týraly oilaryn ortaǵa saldy.
Ǵylymi-innovatsiialyq jumys jónindegi prorektor m.a. Tilekqabyl Ramazanov irgeli ǵylymdy damytý úshin grant merzimin qazirgidei úsh jylmen shektemei, bes jylǵa deiin qarastyrý usynysyn qýanyshpen qabyl alǵan áserimen bólisip, salaǵa qatysty usynysyn ortaǵa saldy.
Sońynan QazUÝ Rektory J.Túimebaev Prezidenttiń «Elimizdiń bilim berý jáne ǵylym salasynyń aldynda kezek kúttirmes aýqymdy mindet tur. Bul ýaqyt talabyna sai bolýmen qatar, árqashan bir adym alda júrip, tyń jańalyqtar usyna bilý» degen sózine basymdyq berip, osy mejeden shyǵý úshin birlese jumys istep, aiqyn nátijelerge qol jetkizý qajettigin tapsyrdy.
Esterińizge sala ketsek, Ál-Farabi atyndaǵy Qazaq ulttyq ýniversiteti Memleket basshysy Qasym-Jomart Toqaevtyń Qazaqstan halqyna Joldaýyn úsh májilis zalyna bólinip, ujymmen birge tyńdaǵan bolatyn. Ákimshilik ǵimarat jáne Ál-Farabi kitaphanasynda uiymdastyrylǵan tikelei kórsetilimderge ýniversitet basshylyǵy, oqytýshy-professorlar quramy men bilim alýshylar qatysty.
Sondai-aq qazirgi sátte oqytýshy-professorlar quramy baǵdarlamalyq qujatta kóterilgen máseleler boiynsha óz pikirlerin túrli BAQ betterinde jáne ýniversitet saitynda jariialap, el Prezidentin biraýyzdan qoldaitynyn belsendi jetkizýde.
