İs-sharaǵa máslıhat depýtattary, Almaty jurtshylyǵynyń ókilderi, Ulttyq ǵylym akademıasynyń ókilderi, JOO rektorlary, qalanyń basqa da oqý oryndarynyń basshylary, Almaty qalasy men Medeý aýdany ákimdikteriniń qyzmetkerleri, BAQ ókilderi, ýnıversıtettiń oqytýshylary men stýdentteri, sonymen qatar stýdentterdiń ata-analary qatysty.
Rektor óz baıandamasynda 2018/2019 oqý jylynda atqarylǵan jumystardy qorytyndylady. Ýnıversıtettiń oqý, ǵylymı-ınnovasıalyq, qarjy-sharýashylyq, áleýmettik, tárbıelik qyzmetine jan-jaqty taldaý jasady, jetistikterdi atap ótti jáne ýnıversıtettiń jańa oqý jylyna jáne bolashaqqa arnalǵan strategıalyq maqsattary men baǵyttaryna toqtaldy.
Sonymen birge, Takır Balyqbaev Abaı atyndaǵy QazUPÝ-dyń jyl saıyn álemdik jáne respýblıkalyq reıtıńterdegi pozısıasyn jaqsartyp kele jatqanyn atap ótti.
Esep berý kezeńinde oryn alǵan aıtýly shara- Abaı atyndaǵy QazUPÝ-dyń qurylǵanyna 90 jyl tolýyna bes myńǵa jýyq adam, onyń ishinde 119 sheteldik qonaqtar - 23 eldiń seriktes ýnıversıtetteriniń rektorlary men oqytýshylary, AQSH, Italıa, Fransıa, Avstrıa, Vengrıa, Polsha, Reseı, Belarýs, Armenıa ǵalymdary, Qyrǵyzstan jáne t.b., sondaı-aq Qazaqstan Respýblıkasynyń 69 joǵary oqý oryndarynyń basshylary men elimizdiń ǵylymı-pedagogıkalyq qaýymdastyǵynyń ókilderi qatysty.
Bıyl stýdentter sany 10 460 adamdy qurady. Stýdentter sanyn kem degende 10 000-ǵa jetkizý 2025 jylǵa deıingi strategıalyq jospardyń negizgi maqsaty bolatyn, bul maqsat merziminen buryn júzege asyryldy. Ýnıversıtet stýdentteriniń sandyq quramymen qatar sapalyq quramy da jyl saıyn artyp keledi. Sonymen, bıyl 316 «Altyn belgi» ıegerleri, orta mektepti úzdik bitirgen 182 úmitker, kolejdiń 47 úzdik stýdenti bizdiń stýdentterimizdiń qataryna qosyldy.
Eńbek naryǵyndaǵy túlekterge degen suranys jáne jumys berýshilerdiń jas mamandardy kásibı daıarlaý sapasyna qanaǵattanýy da qazirgi tańda joǵary deńgeıde. Jumys berýshilermen ózara árekettesýdi qamtamasyz etý maqsatynda 2019 jyly Abaı atyndaǵy QazUPÝ «Mansap» mobıldi qosymshasyn iske qosty, bul ýnıversıtet túlekteriniń jumys izdeýi men jumysqa ornalasýyn edáýir jeńildetýde.
Zamanaýı ýnıversıtet qyzmetiniń mańyzdy baǵyty – joǵary bilikti profesor-oqytýshylar quramyn qalyptastyrý. Osy oraıda, ýnıversıtetimizge sheteldik seriktes joǵary oqý oryndarynyń profesorlary shaqyrtyldy, 2018/2019 oqý jylynda joǵary kórsetkishter reıtıńiniń nátıjeleri boıynsha Abaı atyndaǵy QazUPÝ-dyń 71 oqytýshysy qosymsha jalaqy tólemderin aldy.
Baıandama barysynda oqytýshylar men stýdentterdiń jetistikteri men marapattary týraly aıtyldy. Oqytýshylardyń biliktiligin arttyrý ýnıversıtet tarapynan uıymdastyrylǵan semınarlarda, Qysqy jáne Jazǵy mektepterde, aǵylshyn tilin jetildirý kýrstarynda júzege asyrylady. Muǵalimderdiń bilimi men pedagogıkalyq ǵylymdar salasyndaǵy bilim berý jáne ǵylymı-ınnovasıalyq jobalardy júzege asyrý, respýblıkanyń oqý oryndarynyń ǵylymı, oqý-ádistemelik jáne shyǵarmashylyq áleýetin úılestirý, qoldaý jáne damytý boıynsha jumystar atalyp ótildi.
Abaı atyndaǵy Qazaq ulttyq pedagogıkalyq ýnıversıtetiniń oqý-tárbıe jumysynyń ózegi «Rýhanı jańǵyrý» baǵdarlamasy bolyp otyr. Onyń aıasynda, stýdentterdiń ózin-ózi basqarýyn jetildirý, buqaralyq sportty damytý jáne stýdentterdiń shyǵarmashylyq áleýetin arttyrý, stýdentterdi áleýmettik qoldaý maqsatynda turaqty jumys júrgizilýde. Jáne stýdenttik ákimshilik, «SmartStudents» kovorkıng ortalyǵy, «Sanaly urpaq» klýby, «JasStar» mýzykalyq stýdıasy jáne O. Dosbosynov atyndaǵy Jas aqyndar ortalyǵy qurylyp, aýqymdy jumystar júrgizýde.
Ashyqtyq pen qol jetimdilikti qamtamasyz etý maqsatynda ýnıversıtet rektory azamattardy barlyq máseleler boıynsha turaqty túrde qabyldap otyrady, jeke óziniń blogy men poshtasyna túsken ótinishterdi qaraıdy, «Openspace» formatynda jáne áleýmettik jelilerde jeke akkaýnttary arqyly baılanys júrgizedi. Barlyq ótinishter boıynsha tıisti sharalar qabyldanady, olardyń oryndalýyn baqylaý qamtamasyz etiledi. Takır Balyqbaev ózi jáne ýnıversıtet basshylarynyń qoǵammen baılanystyń barlyq túrlerin kúsheıtetinin atap ótti.
Jańa tehnologıalardy engizý boıynsha jumystar júrgizilýde. Ýnıversıtet sıfrlandyrý tujyrymdamasyn jáne soǵan sáıkes sıfrlandyrýdyń Jol kartasyn ázirledi, jan-jaqty qaıta qurý prosesi jáne ýnıversıtet qyzmetiniń barlyq baǵyttarynyń tıimdiligi sıfrlyq ınfraqurylymdy damytý jáne sandyq tehnologıalar men resýrstardy keńinen qoldaný arqyly sátti júzege asyrylýda.
Stýdentterdiń ómirine joǵary etıkalyq normalardy engizý boıynsha jumys keńeıýde. «Ýnıversıtet jemqorlyqtan tys» jobasy quqyq buzýshylyqqa ǵana emes, sonymen qatar alaıaqtyq pen akademıalyq adaldyq normalaryn buzýdyń kez-kelgen túrine, sonyń emtıhan kezindegi tártiptiń saqtalmaýynda «nóldik tózimdilikti» nyǵaıtady.
Joǵaryda atalǵan barlyq baǵyttar men sapaly bilim alý, jastardyń jan-jaqty damýyna jaǵdaı jasaý jónindegi sharalar memlekettiń saıasatyna sáıkes Bilim jáne ǵylym mınıstrliginiń bastamalaryn qoldaý bolyp tabylady.
Rımma Janbaeva
