Jyldar boiy jurtty ábigerge salǵan sý máselesi sheshimin tapty
Mundaǵy diqandar kókónis ónimderi, kartop, qyryqqabat, piiaz egýmen ainalysady. Sharýalar aldyńǵy qatarly tehnologiiany qoldana otyryp, bir jylda eki-úsh ret ónim alý ádisin meńgergen. Biyldyń ózinde atalǵan tájiribe sheńberinde 29 joba júzege asqan. Nátijesinde, aýdannyń agrarlyq áleýetin artýda.
Sondai-aq Túrkistan oblysy ákiminiń jumys sapary Abai aýylynyń ortalyǵynda «Aýyl – el besigi» baǵdarlamasy aiasynda júrgizilip jatqan abattandyrý jumystarymen tanysýǵa ulasty. Respýblikalyq biýdjetten qarjylandyrylǵan aýqymdy qurylys jobasynyń aiasynda 23 kósheni tolyq jóndeý kózdelgen. Ómirzaq Estaiuly joldardy jónge keltirý jumystarynyń talapqa sai, sapaly júrgizilýin qadaǵalaýdy tapsyrdy.
Sapar barysynda Ómirzaq Shókeev Abai aýyly aýmaǵynan ótetin «Aranshy – 1» sý arnasynyń tehnikalyq tazalaýdan ótkizý jumystaryn da tekserdi. Jeti shaqyrymǵa sozylǵan sý arnasy bitelip, aǵysy baiaýlaǵan. Jyldar boiy jergilikti halyqty ábigerge salyp kelgen másele sheshimin tapqanyna el riza.
Kóktem – kúz ailarynda sý tasqyny qaýpi tónse, egistik merziminde sharýalar sýdan taryǵyp kelgen. Sonyń saldarynan 380 gektar sýarmaly jerge sý jetpei, igerýsiz qalyp keledi. Jóndeý jumystary tolyq aiaqtalyp, sýarmaly júieler iske qosylǵan soń Qoshqarata aýyldyq okrýgindegi egistik jerlerdiń aýmaǵyn 450 gektarǵa ulǵaitý kózdelgen.
Oblys ákimi respýblikalyq mańyzy bar A-15 avtojolynyń boiyn abattandyrý jáne aǵymdaǵy jóndeý jumystarynyń barysymen tanysýǵa toqtady. Josparǵa sáikes joba qazan aiynyń sońyna deiin aiaqtalýy tiis.
Túrkistan oblysy ákiminiń bapasóz qyzmeti
