ءومىرزاق شوكەيەۆ كەلەس اۋدانىنا جاساعان جۇمىس ساپارى بارىسىندا الەۋمەتتىك ماڭىزى بار نىسانداردا بولدى. الدىمەن ايماق باسشىسى بىرتىلەك اۋىلدىق وكرۋگىندە ورنالاسقان «ابزال» جانە  «بەرەكە» شارۋا قوجالىقتارىندا اتقارىلىپ جاتقان جۇمىسپەن تانىستى.

مۇنداعى ديقاندار كوكونىس ونىمدەرى، كارتوپ، قىرىققابات، پياز ەگۋمەن اينالىسادى. شارۋالار الدىڭعى قاتارلى تەحنولوگيانى قولدانا وتىرىپ، ءبىر جىلدا ەكى-ۇش رەت ءونىم الۋ ءادىسىن مەڭگەرگەن. بيىلدىڭ وزىندە اتالعان تاجىريبە شەڭبەرىندە 29 جوبا جۇزەگە اسقان. ناتيجەسىندە، اۋداننىڭ اگرارلىق الەۋەتىن ارتۋدا.

سونداي-اق تۇركىستان وبلىسى اكىمىنىڭ جۇمىس ساپارى اباي اۋىلىنىڭ ورتالىعىندا «اۋىل – ەل  بەسىگى» باعدارلاماسى اياسىندا جۇرگىزىلىپ جاتقان اباتتاندىرۋ جۇمىستارىمەن تانىسۋعا ۇلاستى. رەسپۋبليكالىق بيۋدجەتتەن قارجىلاندىرىلعان اۋقىمدى قۇرىلىس جوباسىنىڭ اياسىندا 23 كوشەنى تولىق جوندەۋ كوزدەلگەن. ءومىرزاق ەستاي ۇلى جولداردى جونگە كەلتىرۋ جۇمىستارىنىڭ تالاپقا ساي، ساپالى جۇرگىزىلۋىن قاداعالاۋدى تاپسىردى.

ساپار بارىسىندا ءومىرزاق شوكەيەۆ اباي اۋىلى اۋماعىنان وتەتىن «ارانشى – 1» سۋ ارناسىنىڭ تەحنيكالىق تازالاۋدان وتكىزۋ جۇمىستارىن دا تەكسەردى. جەتى شاقىرىمعا سوزىلعان سۋ ارناسى بىتەلىپ، اعىسى باياۋلاعان. جىلدار بويى جەرگىلىكتى حالىقتى ابىگەرگە سالىپ كەلگەن ماسەلە شەشىمىن تاپقانىنا ەل ريزا.

كوكتەم – كۇز ايلارىندا سۋ تاسقىنى ءقاۋپى تونسە، ەگىستىك مەرزىمىندە شارۋالار سۋدان تارىعىپ كەلگەن. سونىڭ سالدارىنان 380 گەكتار سۋارمالى جەرگە سۋ جەتپەي، يگەرۋسىز قالىپ كەلەدى. جوندەۋ جۇمىستارى تولىق اياقتالىپ، سۋارمالى جۇيەلەر ىسكە قوسىلعان سوڭ قوشقاراتا اۋىلدىق وكرۋگىندەگى ەگىستىك جەرلەردىڭ اۋماعىن 450 گەكتارعا ۇلعايتۋ كوزدەلگەن.

وبلىس اكىمى رەسپۋبليكالىق ماڭىزى بار ا-15 اۆتوجولىنىڭ بويىن اباتتاندىرۋ جانە اعىمداعى جوندەۋ جۇمىستارىنىڭ بارىسىمەن تانىسۋعا توقتادى. جوسپارعا سايكەس جوبا قازان ايىنىڭ سوڭىنا دەيىن اياقتالۋى ءتيىس.

 

تۇركىستان وبلىسى اكىمىنىڭ ءباپاسوز قىزمەتى