Jýyrda ál – Farabı atyndaǵy QazUÝ-niń Qytaıtaný kafedrasy ujymynyń uıymdastyrýymen « Qytaıtaný aptalyǵy»-nyń ashylý saltanaty ótti.Aıtýly úlken is – sharanyń ashylýyna Qytaıdyń Almaty qalasyndaǵy Bas Konsýly, keshimizdiń qurmetti qonaǵy Chjang Veı myrza, Konfýsıı ınstıtýtynyń  oqytýshylary, Almaty qalasyndaǵy Qytaı tilder ınstıtýtynyń dekany, QazUÝ-niń Qytaıtaný kafedrasynyń oqytýshylary men stýdentteri qatysty.

Bas Konsýl Chjang Veı myrza óz sózinde bylaı dedi : «Álemdegi eń kúrdeli ári eń kóp halyq sóıleıtin til – qytaı tili. Qazirgi ýaqytta qytaı tilinde sóıleıtin adamdardyń sany 1 mlrd 600 mln-nan asady. QR men QHR arasynda saýda-ekonomıkalyq, ınvestısıalyq, qarjy-nesıelik, bilim jáne ǵylym, mádenıet salasyndaǵy kelisimderdiń artýy – eki el qarym-qatynasynyń odan ári nyǵaıýynyń kórinis». Al, osy salalar boıynsha bilikti mamandar daıarlap shyǵý úshin, ýnıversıtetimidegi stýdentterge Qytaıǵa baryp bilim alýyna, qytaı jáne qazaq stýdentteriniń tájirıbe almasyp oqýyna qolynan kelgenshe kómegin beretinin de jasyrmady. Bolashaq qytaıtanýshy retinde, biz tek qana qytaı tilin jetik meńgerip qana qoımaı, qytaı eliniń tarıhyn, mádenıetin, salt-dástúrin, saıasatyn bilýimiz qajet. Al, osyndaı is – sharalar Qytaıdy jańa bir qyrynan tanyp bilýge múmkindik beredi.

Aptalyqtyń ashylýynda bizdiń stýdentter jan-jaqty daıarlanǵanyn taǵy bir dáleldedi. Stýdentterimizdiń biri qytaı tilinde án shyrqasa, biri qazaqtyń qara dombyrasymen kúmbirlete kúıin oınap, qonaqtarymyzǵa qazaqtyń sarqylmas mádenıetin tanystyrdy.

Araı Jekeeva, Qytaıtaný kafedrasynyń 3-kýrs stýdenti

Nurtálip Sháripqazy, Qytaıtaný kafedrasynyń oqytýshysy