Joǵaryda atalǵan oqý ordalary jas shyǵystanýshylardy daıarlaýda eń úzdik ortalyqtar ekeni barlyǵymyzǵa málim. Baıqaý eki kezeńnen turdy:1-kezeń - Qytaı tarıhyn jáne mádenıetin qamtyǵan, sondaı-aq qytaı tiline baılanysty suraqtardan quralǵan test jáne belgilengen taqyryp boıynsha esse jazý bolsa; 2-kezeń – Qytaıdaǵy belgili bir máseleni alyp, ádil-qazylar aldynda sol jobany qorǵaý. Jalpy alǵanda, olımpıadaǵa 2-4 kýrstar aralyǵyndaǵy 30-ǵa jýyq stýdent qatysqan bolsa, ekinshi kezeńge 10 adam joldama alǵan bolatyn. Osylaısha, eki kezeń qorytyndysy boıynsha jeńimpazdar anyqtalǵan. Aıta ketetin jaıt stýdentterge baǵa berip, baıqaýdyń ádil ótýine atsalysqan tóreshiler - qytaı tiliniń bilgir mamandary jáne QazUÝ janyndaǵy Konfýsıı Instıtýtynyń ustazdary (QHR azamattary). Ádil-qazylardyń sheshimi boıynsha, eki kezeńdi de qorytyndylaı kele jeńimpazdardyń esimi belgili boldy, 1-oryndy QazUÝ stýdenti Beıbit Aıdar ıelense, 2-oryndy EUÝ stýdenti Sahanov Abaı jáne QazUÝ-dyń 2-kýrs stýdenti Mýrzageldına Laýra qanjyǵalaryna baılasa, 3-oryn QazUÝ stýdenti Kabesova Moldirge tıesili boldy. Marapattaý rásiminde jeńimpazdarǵa Qytaı Halyq Respýblıkasynyń Almatydaǵy Bas Konsýldyǵynyń taǵaıyndaǵan granttary tabystaldy, eń keremeti stýdentter ózderi qalaǵan Qytaıdaǵy kez-kelgen ýnıversıtetti tańdaýǵa quqyly. Árıne, jeńimpazdardyń qýanyshynda shek bolmady, bas konsýlǵa rızashylyqtaryn bildirdi.
Álemdegi eń qıyn tilderdiń biri bolyp tabylatyn, oqýda qajyrly eńbek pen mańdaı terdi talap etetin qytaı tilin baǵyndyrar jastar sany elimizde kún sanap artýda, atalmysh tildiń bolashaǵy zor ekeni de aıdan anyq, sondyqtan bolar qazirgi tańda Qytaıdy zertteý ortalyqtary men sol zertteýmen aınalysýǵa qushtar stýdentter az emes. Sol stýdentterdiń ishinde QazUÝ-dyń, shyǵystaný fakúltetiniń bolashaq shyǵystanýshylarynyń orny erekshe jáne bolashaǵy jarqyn. Eńbegimiz áli jemisin tabady degen senimdemiz!
Dıana Skatova,
Shyǵystaný fakúltetiniń 3-kýrs stýdenti.
Nurtálip Sharypqazy ,
Shyǵystaný fakúltetiniń oqytýshysy.
