Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

QazUÝ-de oqyǵanyma maqtanamyn

Dalanews
QazUÝ-de oqyǵanyma maqtanamyn
   Qazaqstan búgingi tańda sapaly bilimimen kózge túsken elderdiń biri bolyp tabylady. Elbasymyz N.Á.Nazarbaev bilimge kóp kóńil bólýde. Biz ony salynyp jatqan álemdik standartqa sai  túrli mektepter men joǵarǵy oqý oryndarynan baiqaimyz. Sondai ýniversitetterdiń biri Ál-Farabi atyndaǵy qazaq ulttyq ýniversiteti. QazUÝ álemniń eń úzdik 300 ýniversitetteriniń qatarynda.Ǵylymi zertteýler men ádistemelerdi júrgizýde joǵary deńgeidegi tehnologiialardy paidalatyn, ony qoǵamda jáne ekonomikada utymdy júzege asyratyn aldyńǵy qatarly zamanaýi JOO bolyp tabylady. Bolashaqta QazUÝ tek respýblikalyq ǵana emes,halyqaralyq bilim berý ortalyǵyna ainalmaq.

Qazirgi kezde ýniversitette 13 fakýltet qyzmet atqarady. Árqaisysynda joǵarǵy dárejedegi mamandyrylǵan oqytýshylar men professorler bilim berýde. Ár fakýltettiń ózindik orny men tarihy bar,biri ekinshisiniń ornyn basa almaidy jáne fakýltetterdiń túlep shyqqan túlekteri elimizdiń ár salasynda,shetelderde qaitalanbas maman ieleri bolyp qyzmet atqarady.Sonymen qatar negizgi fakýltetterden basqa daiyndyq fakýltetinde álemniń túkpir-túkpirinen jinalǵan shetel azamattary memlekettik tilimiz qazaq tilin ýirený ústinde.Olardyń aralarynda Aýǵan azamattary, qytailar, koreiler, túrikter jáne shetelderde turatyn ózimizdiń qandas baýyrlarymyz iaǵni qazaqtar da bar. Osynyń esebinen biz stýdentter shetel azamattarymen tanysyp, basqa elderdiń mádenietin tanyp bilip olarǵa ózimizdiń elimizdi tanytamyz. Shyǵys tilderin ýirenip júrgen bizderge bul keremet tájiribe deýge bolady. Sebebi olar bizge,biz olarǵa kómek kórsetemiz. Bul jait QazUÝ-nyń keremet múmkindikteriniń biri bolyp esepteledi.

Mektep qabyrǵasyn “Altyn Belgimen” bitirgenimde meniń aldymda úlken tańdaý turdy. Ol - mamandyq tańdaý. Demek,sol mamandyqty meńgerip shyǵatyn ýniversitetti tańdaý.Kóp tolǵanyp,kóp oilandym. Oilana kele QazUÝ-ǵa jetetin ýniversitet joq ekenińe kózim jetti. Sodan men shyǵystaný fakýlteti qytaitaný kafedrasynyń grant iegeri atandym. Qazirgi kezde qytai tili men shyǵys elderiniń tarihyn oqý ústindemin.       Fakýltetimizdiń álemniń basqa ýniversitetterimen bailanysy óte jaqsy damyǵan. Fakýltet oqytýshylary men stýdentteri tildik jáne ǵylymi praktikadan ótetin ýniversitetter Úndistanda, Qytaida, Koreiada, Túrkiiada, Egipette bar.

Ýniversitettiń bilimi týraly barlyǵymyz habardar boldyq,endi ýniversitettiń stýdenttik ómiri jaily aitatyn sóz de az emes. QazUÝ qabyrǵasynda ár túrli uiymdar jumys isteidi. Mysaly, “Stýdentter senaty”, “Suńqar” uiymy,“Kómek” uiymy, t.b.

Bul uiymdardyń árqaisysynyń ózindik jumysy men qyzmeti bar.Uiymdar stýdentter úshin oqýdan tys qoǵadyq ómirge belsene aralasýyna yqpal tigizedi.

Qorytyndylai kele,osy Ál-Farabi atyndaǵy qazaq ulttyq ýniversitetiniń,shyǵystaný fakýltetiniń,qytaitaný kafedrasynyń stýdenti bolǵanymdy maqtan tutamyn.

 

 

 Diana Skatova,                 

Shyǵystaný fakýltetiniń, 3-kýrs stýdenti.

Nurtálip Sharypqazy,

Shyǵystaný fakýltetiniń oqytýshysy.

 
Ál-Farabi atyndaǵy QazUÝ Shyǵystaný fakýlteti qytaitanýshy qytaitaný kafedrasy Qytaitaný ortalyǵy Madina Sádýaqasova

Oqi otyryńyz