قازىرگى كەزدە ۋنيۆەرسيتەتتە 13 فاكۋلتەت قىزمەت اتقارادى. ءارقايسىسىندا جوعارعى دارەجەدەگى ماماندىرىلعان وقىتۋشىلار مەن پروفەسسورلەر ءبىلىم بەرۋدە. ءار فاكۋلتەتتىڭ وزىندىك ورنى مەن تاريحى بار،ءبىرى ەكىنشىسىنىڭ ورنىن باسا المايدى جانە فاكۋلتەتتەردىڭ تۇلەپ شىققان تۇلەكتەرى ەلىمىزدىڭ ءار سالاسىندا،شەتەلدەردە قايتالانباس مامان يەلەرى بولىپ قىزمەت اتقارادى.سونىمەن قاتار نەگىزگى فاكۋلتەتتەردەن باسقا دايىندىق فاكۋلتەتىندە الەمنىڭ تۇكپىر-تۇكپىرىنەن جينالعان شەتەل ازاماتتارى مەملەكەتتىك ءتىلىمىز قازاق ءتىلىن ۋيرەنۋ ۇستىندە.ولاردىڭ ارالارىندا اۋعان ازاماتتارى، قىتايلار، كورەيلەر، تۇرىكتەر جانە شەتەلدەردە تۇراتىن ءوزىمىزدىڭ قانداس باۋىرلارىمىز ياعني قازاقتار دا بار. وسىنىڭ ەسەبىنەن ءبىز ستۋدەنتتەر شەتەل ازاماتتارىمەن تانىسىپ، باسقا ەلدەردىڭ مادەنيەتىن تانىپ ءبىلىپ ولارعا ءوزىمىزدىڭ ەلىمىزدى تانىتامىز. شىعىس تىلدەرىن ۋيرەنىپ جۇرگەن بىزدەرگە بۇل كەرەمەت تاجىريبە دەۋگە بولادى. سەبەبى ولار بىزگە،ءبىز ولارعا كومەك كورسەتەمىز. بۇل جايت قازۇۋ-نىڭ كەرەمەت مۇمكىندىكتەرىنىڭ ءبىرى بولىپ ەسەپتەلەدى.
مەكتەپ قابىرعاسىن “التىن بەلگىمەن” بىتىرگەنىمدە مەنىڭ الدىمدا ۇلكەن تاڭداۋ تۇردى. ول - ماماندىق تاڭداۋ. دەمەك،سول ماماندىقتى مەڭگەرىپ شىعاتىن ۋنيۆەرسيتەتتى تاڭداۋ.كوپ تولعانىپ،كوپ ويلاندىم. ويلانا كەلە قازۇۋ-عا جەتەتىن ۋنيۆەرسيتەت جوق ەكەنىڭە كوزىم جەتتى. سودان مەن شىعىستانۋ فاكۋلتەتى قىتايتانۋ كافەدراسىنىڭ گرانت يەگەرى اتاندىم. قازىرگى كەزدە جۇڭگو ءتىلى مەن شىعىس ەلدەرىنىڭ تاريحىن وقۋ ۇستىندەمىن. فاكۋلتەتىمىزدىڭ الەمنىڭ باسقا ۋنيۆەرسيتەتتەرىمەن بايلانىسى وتە جاقسى دامىعان. فاكۋلتەت وقىتۋشىلارى مەن ستۋدەنتتەرى تىلدىك جانە عىلىمي پراكتيكادان وتەتىن ۋنيۆەرسيتەتتەر ءۇندىستاندا، قىتايدا، كورەيادا، تۇركيادا، ەگيپەتتە بار.
ۋنيۆەرسيتەتتىڭ ءبىلىمى تۋرالى بارلىعىمىز حاباردار بولدىق،ەندى ۋنيۆەرسيتەتتىڭ ستۋدەنتتىك ءومىرى جايلى ايتاتىن ءسوز دە از ەمەس. قازۇۋ قابىرعاسىندا ءار ءتۇرلى ۇيىمدار جۇمىس ىستەيدى. مىسالى، “ستۋدەنتتەر سەناتى”، “سۇڭقار” ۇيىمى،“كومەك” ۇيىمى، ت.ب.
بۇل ۇيىمداردىڭ ءارقايسىسىنىڭ وزىندىك جۇمىسى مەن قىزمەتى بار.ۇيىمدار ستۋدەنتتەر ءۇشىن وقۋدان تىس قوعادىق ومىرگە بەلسەنە ارالاسۋىنا ىقپال تيگىزەدى.
قورىتىندىلاي كەلە،وسى ءال-فارابي اتىنداعى قازاق ۇلتتىق ۋنيۆەرسيتەتىنىڭ،شىعىستانۋ فاكۋلتەتىنىڭ،قىتايتانۋ كافەدراسىنىڭ ستۋدەنتى بولعانىمدى ماقتان تۇتامىن.
ديانا سكاتوۆا،
شىعىستانۋ فاكۋلتەتىنىڭ، 3-كۋرس ستۋدەنتى.
ءنۇرتالىپ شارىپقازى،
شىعىستانۋ فاكۋلتەتىنىڭ وقىتۋشىسى.
