Qytaidyń ekonomika saity eń kóp qalamaqy alǵan Qytai jazýshylarynyń tizimdigin 22 naýryz kúni jariialady. Biyl 10 ret saraptalǵan reitingtiń kóshin jazýshy Jiiań Nan bastap tur. Ol bir jyl ishinde 320 million iýan (mólshermen 50 million dollar) qalamaqyǵa ie bolǵan.
Buǵan deiin ózgelerge tanymaldyǵy men kitaptarynyń satylymy jaǵynan des bermegen Han Han, Go Jimiń qatarly jazýshylar aldyńǵy 20-lyqtyń sońyna túsken. Jazýshy Go biylǵy reitingte 20-orynda tur.
Búkil Qytai jurtyn tańǵaldyrǵan bir jait, uiǵyr ultynyń ókili, jas jazýshy Nurali Ábilezdiń TOP-20-dan keiingi satyǵa jaiǵasýy bolyp otyr. Ol "Bir jylyńyzdaǵy 8760 saǵat" degen kitabi arqyly milliard Qytaiǵa tanymal boldy. Onyń osy kitabi qytai tiline aýdarylyp, 6 ai ishinde 500 myń danasy satylyp ketken. Sol arqyly ol 5 million 900 myń iýan qalamaqy alypty (1 million dollarǵa jýyq). Jazýshynyń bul kitabyna oqyrmandar joǵary baǵa berip, qyzyǵýshylyq tanytqan soń biyl jyl basynda jańa nusqasyn qaita shyǵaryp úlgeripti.
Qytaidyń Nobel syilyǵyn alǵan jazýshysy Mo Ian qazir álemdegi eń bai jazýshylardyń biri. Biraq Qytaidyń óz ishinde yqpaly odan da zor jazýshylar kóbeigen. Buǵan Mo Iannyń Nobel syilyǵyn alýy da óz áserin tigizgen bolýy múmkin. Álemdik ádebiet zertteýshileri sońǵy jyldary Qytai oqyrmandarynyń ádebietke qyzyǵýshylyǵy kúrt artyp otyrǵanyn,Qytai jazýshylarynyń da aryny ulǵaiyp, múldem jańa biikke kóterilgenin sóz ete bastady. Tipti, álemdik ádebi dúmpý Aziiaǵa aýǵanyn jarysa jazyp júr.
[caption id="attachment_14397" align="alignright" width="177"]
Aitpaqshy, Qytaidaǵy uiǵyr ádebietiniń álemdik arenada ózindik orny bar deýge bolady. Búginderi uiǵyrdyń aqyn-jazýshylary Qytaidy moiyndatyp qana qoimai, álemniń túkpir-túkpirine samǵap ketken. Eýropa, AQSh, Kanada, Japoniia, Singapýr, Túrkiia sekildi elderde ondaǵan uiǵyr qalamgerleri ózderiniń kitaptaryn shyǵaryp, túrli syilyqtarǵa ie bolyp júr. Olardyń ishinde Nobel syilyǵynan úmitkerleri de joq emes.
