Monografiia Jenmin ýniversitetindegi QHR-diń jetekshi baspasynda jaryq kórdi.
Bul sharaǵa QKP OK-niń nasihattaý bóliminiń vitse-ministri Tszian Tsziango, Jenmin ýniversitetiniń rektory Liý Vei, QHR-daǵy QR Elshiliginiń birinshi hatshysy Qalamqas Dúzbaeva, QazUÝ rektory Ǵalym Mutanov, belgili ǵalymdar men mamandar qatysty.
«Biz professor Ǵalym Mutanovty Qazaqstannyń jetekshi joǵary oqý ornynyń basshysy retinde ǵana emes, álemge tanymal iri ǵalym retinde de bilemiz. Búgin tanystyrylyp otyrǵan onyń ǵylymi eńbegi birneshe tilde basylyp, halyqaralyq deńgeide joǵary baǵa alǵan.
Endi bul kitap qytai tilinde jaryq kórip otyr. Onyń zertteýiniń ózektiligi, innovatsiialyq tásili jáne kóp qyrlylyǵy ǵylymi qoǵamdastyq úshin ǵana emes, sonymen qatar Qytaidyń praktikteri men basshylary úshin de sózsiz úlken qyzyǵýshylyq týdyrady», – dep atap ótti Jenmin ýniversitetiniń rektory Liý Vei.
Qazaqstandyq ǵalymǵa ǵylymi jetistikteriniń tanylýynyń belgisi retinde sertifikat tabystaldy.
Aita ketý kerek, bul monografiia bir kezderi ekonomika salasyndaǵy Nobel syilyǵynyń laýreaty Djon Neshtiń joǵary baǵasyna ie bolǵan, ol zertteý nátijelerin Nobel syilyǵynyń taǵy eki laýreaty Kristofer Sims pen Garold Kýnnyń jumystarymen salystyrǵan.
Buǵan deiin ol álemdegi eń iri «Springer Nature» baspasynda jaryq kórip, eń kóp suranysqa ie kitaptar qataryna kirgen. Ony elektrondy túrde 15 myńǵa jýyq paidalanýshy júktegen, bul eń úzdik kórsetkishterdiń biri. Sonymen qatar, Ǵ. Mutanovtyń ǵylymi eńbegi Web of Science Core Collection jetekshi ǵylymi jariialanymdarynyń bedeldi halyqaralyq bazasyna engizildi.
1986 jyldan beri ótkizilip kele jatqan Pekin halyqaralyq kitap kórmesi búginde baspa jáne poligrafiialyq indýstriia salasyndaǵy jetekshi platformaǵa ainaldy. Biyl onyń jumysyna álemniń 100 elinen 2,5 myńnan astam eksponent ákelindi.
Kórmede ál-Farabi atyndaǵy QazUÝ-dyń «Qazaq ýniversiteti» baspa úii tarapynan nazarǵa usynylǵan ýniversitet ǵalymdarynyń 300-den asa ǵylymi eńbekteri kópshiliktiń úlken qyzyǵýshylyǵyn týdyrdy.
