Búgingi tańda baǵdarlamany iske asyrýdan Túrkistan oblysy kósh bastap tur. Óńirde jalpy quny 64,5 mlrd. teńgeni quraityn 206 joba boiynsha jumys júrgiziýde. Bul týraly baǵdarlamany iske asyrý boiynsha Óńirlik jobalaý ofisiniń kezekti otyrysynda málim boldy.
– Bir ai boiy júieli jáne tynymsyz eńbektiń arqasynda aitarlyqtai nátijelerge qol jetkizdik, – degen Túrkistan oblysy ákiminiń orynbasary Meiirjan Myrzaliev baǵdarlamany iske asyrý barysynda kásipkerlerdi sharttarmen tanystyrý jáne kásipkerler arasynda belsendilikti arttyrý maqsatynda belsendi satý ádisi qoldanylǵandyǵyn jáne qarjynyń kásipkerler úshin qoljetimdi bolýynyń mańyzdylyǵyn atap ótti.
Atalmysh baǵdarlama boiynsha búgingi kúnniń ózinde ilgerileý baiqalýda, somasy 927 mln. teńgeni quraityn 18 joba qaralýǵa túsken.
Baǵdarlamany oryndaý boiynsha Túrkistan qalasynyń kásipkerleri belsendilik tanytyp 36 joba usyndy. Agroónerkásiptik salasynyń kásipkerleri óte belsendi. 206 jobanyń 117-si osy salaǵa tiesili.
Búkil qarjy uiymdardyń arasynda agroónerkásiptik keshenge «Agrarlyq nesie korporatsiiasy» AQ jaýapty ekeni atap ótken jón. Jeke kezdesýlerden soń, búgingi tańda somasy 8,9 mlrd. teńgege 16 joba maquldandy. Sondai-aq jiynda «Damý» KKQ AQ filialy tarapynan jobalardy ýaqytyly sýbsidiialandyrý máseleleri qozǵaldy. Bul máselege bailanysty oblys ákiminiń orynbasary filial basshylyǵyna paiyzdar boiynsha ótinimderdi jedeldetilgen túrde qarastyrýǵa tapsyrma berdi.
Túrkistan oblysy ákiminiń baspasóz qyzmeti
