ەلباسىمىزدىڭ تاپسىرماسى اياسىندا اعىمداعى جىلدىڭ ناۋرىز ايىندا «قاراپايىم زاتتار ەكونوميكاسى» باعدارلاماسى جۇمىسىن باستاعان بولاتىن. ق ر ۇكىمەتى باعدارلاما بويىنشا حالىق تۇتىناتىن تاۋارلاردى، شيكىزاتتى جانە  باستاپقى قايتا وڭدەۋ ونىمدەرىن وندىرىلۋىنە قولداۋ كورسەتەدى.

بۇگىنگى تاڭدا باعدارلامانى ىسكە اسىرۋدان تۇركىستان وبلىسى كوش باستاپ تۇر. وڭىردە جالپى قۇنى 64،5 ملرد. تەڭگەنى قۇرايتىن 206 جوبا بويىنشا جۇمىس جۇرگىزىۋدە. بۇل تۋرالى باعدارلامانى ىسكە اسىرۋ بويىنشا وڭىرلىك جوبالاۋ ءوفيسىنىڭ كەزەكتى وتىرىسىندا ءمالىم بولدى.

– ءبىر اي بويى جۇيەلى جانە تىنىمسىز ەڭبەكتىڭ ارقاسىندا ايتارلىقتاي ناتيجەلەرگە قول جەتكىزدىك، – دەگەن تۇركىستان وبلىسى اكىمىنىڭ ورىنباسارى مەيىرجان مىرزالييەۆ باعدارلامانى ىسكە اسىرۋ بارىسىندا كاسىپكەرلەردى شارتتارمەن تانىستىرۋ جانە كاسىپكەرلەر اراسىندا بەلسەندىلىكتى ارتتىرۋ ماقساتىندا  بەلسەندى ساتۋ ءادىسى قولدانىلعاندىعىن جانە قارجىنىڭ كاسىپكەرلەر ءۇشىن قولجەتىمدى بولۋىنىڭ ماڭىزدىلىعىن اتاپ ءوتتى.

سونداي-اق، جوبالاۋ توبى جانە «اگرارلىق نەسيە كورپوراسياسى» اق وكىلدەرى اۋدانداردا جانە قالالاردا جەرگىلىكتى كاسىپكەرلەرمەن جەكە كەزدەسۋلەر وتكىزدى. بەلگىلى بولعانداي، بۇل ءادىس قىسقا مەرزىم ىشىندە ءوز جەمىسىن بەردى.

اتالمىش باعدارلاما  بويىنشا بۇگىنگى كۇننىڭ وزىندە ىلگەرىلەۋ بايقالۋدا، سوماسى 927 ملن. تەڭگەنى قۇرايتىن 18 جوبا قارالۋعا تۇسكەن.

باعدارلامانى ورىنداۋ بويىنشا تۇركىستان قالاسىنىڭ كاسىپكەرلەرى بەلسەندىلىك تانىتىپ 36 جوبا ۇسىندى.  اگروونەركاسىپتىك سالاسىنىڭ كاسىپكەرلەرى وتە بەلسەندى. 206 جوبانىڭ 117ء-سى وسى سالاعا تيەسىلى.

بۇكىل قارجى ۇيىمداردىڭ اراسىندا اگروونەركاسىپتىك كەشەنگە  «اگرارلىق نەسيە كورپوراسياسى» اق جاۋاپتى ەكەنى اتاپ وتكەن ءجون. جەكە كەزدەسۋلەردەن سوڭ، بۇگىنگى تاڭدا سوماسى 8،9 ملرد. تەڭگەگە 16 جوبا ماقۇلداندى. سونداي-اق جيىندا «دامۋ» ككق اق فيليالى تاراپىنان جوبالاردى ۋاقىتىلى سۋبسيديالاندىرۋ ماسەلەلەرى قوزعالدى. بۇل ماسەلەگە بايلانىستى وبلىس اكىمىنىڭ ورىنباسارى فيليال باسشىلىعىنا  پايىزدار بويىنشا وتىنىمدەردى جەدەلدەتىلگەن تۇردە  قاراستىرۋعا تاپسىرما بەردى.

 

تۇركىستان وبلىسى اكىمىنىڭ باسپا ءسوز قىزمەتى