Shymkent qalasynyń mamandandyrylǵan HQO-da 2019 jyldyń 7 aıynda 209 myń memlekettik qyzmet kórsetilse, onyń ishinde 25 600 júrgizýshi kýáligin berilgen. "Azamattarǵa arnalǵan úkimet" memlekettik korporasıasy fılıalynyń dırektory Danabek Isabekovtyń aıtýynsha, bul ótken jyldyń osy kezeńimen salystyrǵanda 34%-ǵa artqan.

Shymkentte barlyǵy 10 Halyqqa qyzmet kórsetý ortalyǵy jumys isteıdi, onyń ishinde 2 mamandandyrylǵan HQKO jáne kóshi-qon qyzmetin kórsetý ortalyǵy bar. 2019 jyldyń sońyna deıin qalada taǵy bir mamandandyrylǵan HQO óz jumysyn bastaıtyn bolady.

Qazirgi ýaqytta, "Dostyq" shaǵyn aýdanynyń jáne Q.Tólemetov kóshesindegi mamandandyrylǵan HQO-da avtokólik ıeleri óz avtokólikterin qaıta tirkep, júrgizýshi kýáligin alyp, praktıkalyq emtıhan tapsyra alady. Sondaı-aq, mamandandyrylǵan HQO ǵımaratynda júrgizýshi kýáligin alý úshin medısınalyq tekserýden ótýge bolady.Kún saıyn munda 300 júrgizýshi kýáligi berilip, 1500-den astam kólik quraly esepke alynady.

Esterińizge sala keteıik, azamattar, sondaı-aq elektrondyq úkimet portaly arqyly júrgizýshi kýáligin aýystyryp, avtokóligin qaıta tirkeı alady.

Jyl basynan beri onlaın tártipte 1 180 avtokólik tirkelip, 1 400 júrgizýshi kýáligi berilgen.

 

«Azamattarǵa arnalǵan úkimet» MK KEAQ Shymkent qalalyq fılıalynyń baspasóz qyzmeti