شىمكەنتتە بارلىعى 10 حالىققا قىزمەت كورسەتۋ ورتالىعى جۇمىس ىستەيدى، ونىڭ ىشىندە 2 مامانداندىرىلعان حقكو جانە كوشى-قون قىزمەتىن كورسەتۋ ورتالىعى بار. 2019 جىلدىڭ سوڭىنا دەيىن قالادا تاعى ءبىر مامانداندىرىلعان حقو ءوز جۇمىسىن باستايتىن بولادى.
قازىرگى ۋاقىتتا، "دوستىق" شاعىن اۋدانىنىڭ جانە ق.تولەمەتوۆ كوشەسىندەگى مامانداندىرىلعان حقو-دا اۆتوكولىك يەلەرى ءوز اۆتوكولىكتەرىن قايتا تىركەپ، جۇرگىزۋشى كۋالىگىن الىپ، پراكتيكالىق ەمتيحان تاپسىرا الادى. سونداي-اق، مامانداندىرىلعان حقو عيماراتىندا جۇرگىزۋشى كۋالىگىن الۋ ءۇشىن مەديسينالىق تەكسەرۋدەن وتۋگە بولادى.كۇن سايىن مۇندا 300 جۇرگىزۋشى كۋالىگى بەرىلىپ، 1500-دەن استام كولىك قۇرالى ەسەپكە الىنادى.
ەستەرىڭىزگە سالا كەتەيىك، ازاماتتار، سونداي-اق ەلەكتروندىق ۇكىمەت پورتالى ارقىلى جۇرگىزۋشى كۋالىگىن اۋىستىرىپ، اۆتوكولىگىن قايتا تىركەي الادى.
جىل باسىنان بەرى ونلاين تارتىپتە 1 180 اۆتوكولىك تىركەلىپ، 1 400 جۇرگىزۋشى كۋالىگى بەرىلگەن.
«ازاماتتارعا ارنالعان ۇكىمەت» مك كەاق شىمكەنت قالالىق فيليالىنىڭ باسپا ءسوز قىزمەتى
