[caption id="attachment_9244" align="alignleft" width="114"]
Almaty qalasy 2022 jylǵy Qysqy Olimpiada oiyndaryn ótkizýge alǵash bolyp resmi ótinish jasaǵan qala (2013 jyldyń tamyz aiynyń ortasynda). Eger bizde aldaǵy ýaqytta qarjylyq qiyndyqtardyń bolatyny ras bolsa, qazir bas tartyp úlgerýi kerek. Óitkeni, 2018 jylǵy Qysqy Olimpiada oiyndary Ońtústik Koreianyń Phenchhan qalasynda ótedi. HOK basshylary Qysqy Olimpiada oiyndaryn qatarynan eki ret Shyǵys Aziiada ótkizýdi jón kórmeýi múmkin.
2022 jylǵy Qysqy Olimpiada oiyndarynyń astanasy 2015 jyldyń jazynda belgili bolady. HOK-tyń (Halyqaralyq Olimpiada komiteti) baǵalaýshy komissiiasyn Resei Olimpiada komietetiniń prezidenti Aleksandr Jýkov basqarady. Jýkovtyń búiregi bizge buryp ketýi ábden múmkin.
"100 som az aqsha emes, biraq densaýlyq ta kerek" degendei, 2 mlrd. dollar az aqsha emes, biraq barlyǵyn egjei-tegjeili oilaý kerek. Shyǵyny kóp bolsa, Olimpiadadan bas tartý kerek.
Ózderińizge belgili, 2017 jyly Almaty qalasy qysqy Ýniversiadany qabyldaǵaly otyr. Eger Ýniversiadaǵa kóp qarajat jumsalyp, jańa nysandar boi kóterip jatsa, ar jaǵynda Olimpiada oiyndaryn da ótkizgen durysyraq. Óitkeni Aziada men Ýniversiadadan keiin, Olimpiada ótkizý salystyrmaly túrde ońaiǵa túsýi múmkin.
Jandos BAIDILDA, jýrnalist
