[caption id="attachment_9237" align="alignright" width="262"]
«Óner qurbandyqty qajet etedi» degen sózdiń astarynda – dúnieniń jalt-jult etken qyzyǵyna boi aldyrmai, ónerińdi taza usta degen emeýirin jataqany anyq. Boidaǵy daryn – Qudaidan berilgen syi. Sondyqtan jaratýshynyń júrekke quiyp, sanaǵa sińirgen ónerin taza ustaý árbir óner adamy úshin syn. Pálsapa soǵýdy doǵaryp, negizgi áńgimemizge kóshsek. «Qazir shoý-biznes pen toi-biznes damyp, ánshi-ártisterden ásker jasaqtaityn deńgeige jettik» dep gói-góilesek te, rýhani ómirimizde daryndy ánshi, talantty ártister áli de az. Keide dyrdý-dýmannan mezi bolǵanda «aspannan talant jaýǵan zaman boldy» degendi kúiinishpen aitamyz.
Tuńǵysh Prezidenttiń kelbetin somdaǵan mundai akterdiń basqan-turǵan qadamy Mádeniet ministrliginiń nazarynda bolýy tiis. Mundai sheber akterdiń kúni erteń jurttyń kóńilin kóteretin saiqymazaqqa ainalýyna áste jol berýge bolmaidy. Kezinde Leninniń rólin somdaǵan Boris Shýkinge Keńestik tsenzýra jaǵymsyz keiipkerlerdi somdaýyna úzildi-kesildi tyiym salǵanyn estigenim bar.
Qazirgi tańda Ánýar Boranbaev, Asanáli Áshimov, Nurmuhan Jantórin syndy korifeilerdiń ornyn basatyn talantty jas akterdiń biri – Nurlan Álimjanov. Sońǵy ýaqyttary bylaiǵy jurt Nurlandy ánshi, júrgizýshi retinde tani bastady. Biraq ónerdi qadirleitin kópshilik úshin Nurlan Aqan Sataevtyń «Aǵaiyndylar» filmindegi bilek kúshi bileýlengen, birbetkei Qýanyshtyń keipinde qalǵandai... Sońǵy ýaqyttary bul beine kómeski tartyp, ánshi, júrgizýshi Nurlannyń beinesi buldyrap kóz aldymyzǵa keletinin jasyryp qaitemiz. «Aǵaiyndylar» basqa akterlerdiń tanylýyna qanshalyqty áser etkenin bilmeimin. Basqa-basqa, bul film Nurlan Álimjannyń baǵyn ashyp, akterlik qýatyn kópshilikke tanytqan týyndy boldy. Jamandyqqa jany qas, ádildik úshin ot pen sýǵa túsýge daiar turatyn Qýanyshtyń obrazy toqsanynshy jyldardaǵy kúńgirt tirlikke sáýle túsirgen beine edi. Bul obrazda sol kezdegi jahandanýdyń arbaýyna túspegen, azat eldiń ulandarynyń bet-beinesi anyq baiqalady.
[caption id="attachment_9238" align="alignright" width="282"]
Sondyqtan bolsa kerek, Nurlan Álimjan degende «Aǵaiyndylardaǵy» ortanshy uldyń beinesi kóz aldymyzǵa kele beredi. Eger sol kezde Nurlan shoý-baǵdarlamalar júrgizip, qyzyl-jasyl dúniege malynǵan ánshi qyzdardyń arasynda júredi dese, sene qoimas edik. Qaita M. Boiarskii siiaqty A. Sataev jasap bergen tartymdy obrazdy ary qarai ushtaidy dep qarsy ýáj aitar ma edik, kim bilsin. Eń durysy, ózin óner adamy dep esepteitin kino, teatr akterleri mánsiz-maǵanasyz shoý-baǵdarlamalardan aýlaq júrýi kerek. Nurlansyz-aq ánshi men júrgizýshiler jetkilikti. Jas akter «Juldyzdy dodany» júrgizip, sheberligin shyńdaýy múmkin emes (aqsha men tanymaldyqty esepke almaǵanda). Kerisinshe, mundai baǵdarlamalar Nurlan Álimjannyń ishki qýatyna degradatsiia túsirip, rýhani jan-dúniesin jutańdandyryp, akterlik qabiletine kesirin tigizýi múmkin.
«Aǵaiyndylardan» keiin jas akter Memleket basshysy Nursultan Nazarbaevtyń beinesin somdap, jurttyń kózaiymyna ainaldy. Tuńǵysh Prezidenttiń kelbetin somdaǵan mundai akterdiń basqan-turǵan qadamy Mádeniet ministrliginiń nazarynda bolýy tiis. Mundai sheber akterdiń kúni erteń jurttyń kóńilin kóteretin saiqymazaqqa ainalýyna áste jol berýge bolmaidy. Kezinde Leninniń rólin somdaǵan Boris Shýkinge Keńestik tsenzýra jaǵymsyz keiipkerlerdi somdaýyna úzildi-kesildi tyiym salǵanyn estigenim bar. Bul rette Nurlan Álimjanǵa jaǵymsyz keiipkerlerdi somdaýǵa memlekettik turǵydan tyiym salsyn dep aitýdan aýlaqpyz. Biz Nurlannyń «Aǵaiyndylardaǵy» Qýanyshtyń deńgeiinde qalǵanyn qalaimyz. Bul úshin, joǵaryda sóz etkenimizdei, Nurekeń óner úshin biraz qurbandyqqa barýy tiis.
Nurlan JUMAHAN.
