Kezdesý barysynda taraptar ekijaqty yntymaqtastyqty odan ári damytýǵa nıet bildirip, bilim berý qyzmetindegi seriktestiktiń basym baǵyttaryn talqylady.
Sonymen qatar júzdesýde birlesken ǵylymı zertteýlerdi júzege asyrý, ýnıversıtetter arasynda ǵylymı zerthanalar jelisin uıymdastyrý týraly bastama qarastyryldy. Olar tek irgeli zertteýler júrgizip qana qoımaı, Qazaqstan ónerkásibin de belgili bir qyzmettermen qamtamasyz etedi dep kútilýde.
Búgingi tańda 30 qyzmetker-zertteýshi Nobel syılyǵyn alǵan Kavendısh zerthanasy stýdentter akademıalyq bilim alyp, ataqty ǵalymdar men profesorlarmen qatar qoldanbaly ǵylymı zertteýler júrgize alatyn alǵashqy oqý-ǵylymı zerthanasy bolyp tabylady.
Aıta ketsek, Kembrıdj ýnıversıteti – álemdegi eń úzdik joǵary oqý oryndarynyń biri. Bul bedeldi bilim ordasynda 130 Nobel syılyǵynyń laýreaty jumys istegen. QS halyqaralyq reıtıńinde ol álemdegi eń úzdik joǵary oqý oryndarynyń bestigine kiredi.
