Túrkistan oblys ákimi apparat basshysynyń orynbasary Iliias Dosqojaev pen oblystyq aýylsharýashylyǵy basqarmasynyń basshylyǵy Túrkistan jerine Izrail elinen arnaiy kelgen halyqaralyq kompaniia ókilderimen kezdesip, qos tarap eki jaqqa da tiimdi kelisimge keldi.
Sheteldikterdiń oblystyń agrarlyq salasyna investitsiia quiamyz degen nieti quptaldy.
QazaqBioProduct kompaniiasy izraildik seriktestermen birlese otyryp, qyzanaq, qiiar, qarbyz, qaýyn, salat kóshetterin ósiretin jylyjai salý jobasyn júzege asyrý múmkindigin qarastyrýda.
Basqosýda sheteldik iri kompaniianyń búgingi órkeniet talaptaryna sai keletin jańa tehnologiialaryna jáne onyń tiimdiligine basa nazar aýdaryldy. Jylyjaiǵa baqsha daqyldaryn ósirý barysynda izraildik ozyq tehnologiialar paidalanylady.
Biyl Túrkistan oblysynyń egis kólemi 851 000 gektarǵa jetti. Qosymsha 26 gektarǵa jylyjailar salynyp, respýblikadaǵy úlesi 71%-dy qurap, alańy 1,5 myń gektarǵa jetti.
«Bir alqaptan jylyna 2-3 ónim alý» jobasy boiynsha 8 400 gektarǵa 3 000 joba júzege asyrylyp, 145 500 tonna kókónis ónimi jinaldy. Jalpy 3,1 mln. tonna kókónis, baqsha, kartop ónimderi jinalady. Túrkistan qalasy aýmaǵynda azyq-túlik beldeýin qalyptastyrý aiasynda quny 34,3 mlrd. teńge quraityn 5 serpindi iri investitsiialyq jobalar júzege asyrylýda.
Jalpy jyl qorytyndysymen aýyl sharýashylyǵy ónim kólemi 1 trln. teńgege jetkiziletin bolady.
