تۇركىستان وبلىس اكىمى اپپارات باسشىسىنىڭ ورىنباسارى ءىلياس دوسقوجايەۆ پەن وبلىستىق اۋىلشارۋاشىلىعى باسقارماسىنىڭ باسشىلىعى تۇركىستان جەرىنە يزرايل ەلىنەن ارنايى كەلگەن حالىقارالىق كومپانيا وكىلدەرىمەن كەزدەسىپ، قوس تاراپ ەكى جاققا دا ءتيىمدى كەلىسىمگە كەلدى.
شەتەلدىكتەردىڭ وبلىستىڭ اگرارلىق سالاسىنا ينۆەستيسيا قۇيامىز دەگەن نيەتى قۇپتالدى.
QazaqBioProduct كومپانياسى يزرايلدىك سەرىكتەستەرمەن بىرلەسە وتىرىپ، قىزاناق، قيار، قاربىز، قاۋىن، سالات كوشەتتەرىن وسىرەتىن جىلىجاي سالۋ جوباسىن جۇزەگە اسىرۋ مۇمكىندىگىن قاراستىرۋدا.
باسقوسۋدا شەتەلدىك ءىرى كومپانيانىڭ بۇگىنگى وركەنيەت تالاپتارىنا ساي كەلەتىن جاڭا تەحنولوگيالارىنا جانە ونىڭ تيىمدىلىگىنە باسا نازار اۋدارىلدى. جىلىجايعا باقشا داقىلدارىن ءوسىرۋ بارىسىندا يزرايلدىك وزىق تەحنولوگيالار پايدالانىلادى.
بيىل تۇركىستان وبلىسىنىڭ ەگىس كولەمى 851 000 گەكتارعا جەتتى. قوسىمشا 26 گەكتارعا جىلىجايلار سالىنىپ، رەسپۋبليكاداعى ۇلەسى 71%-دى قۇراپ، الاڭى 1،5 مىڭ گەكتارعا جەتتى.
«ءبىر القاپتان جىلىنا 2-3 ءونىم الۋ» جوباسى بويىنشا 8 400 گەكتارعا 3 000 جوبا جۇزەگە اسىرىلىپ، 145 500 توننا كوكونىس ءونىمى جينالدى. جالپى 3،1 ملن. توننا كوكونىس، باقشا، كارتوپ ونىمدەرى جينالادى. تۇركىستان قالاسى اۋماعىندا ازىق-تۇلىك بەلدەۋىن قالىپتاستىرۋ اياسىندا قۇنى 34،3 ملرد. تەڭگە قۇرايتىن 5 سەرپىندى ءىرى ينۆەستيسيالىق جوبالار جۇزەگە اسىرىلۋدا.
جالپى جىل قورىتىندىسىمەن اۋىل شارۋاشىلىعى ءونىم كولەمى 1 ترلن. تەڭگەگە جەتكىزىلەتىن بولادى.
