Halyqtyń tabysyn arttyrý maqsatynda «Túrkistan oblysy boiynsha 2022-2025 jyldarǵa arnalǵan jumyspen qamtý kartasy» jobasy bekitilip, nátijesinde 143 792 jumys oryndaryn ashý josparlanǵan.
Sonymen qatar, Memleket basshysynyń «10 myń turǵynǵa 100 turaqty jumys oryndaryn ashý» jónindegi tapsyrmasyna sáikes, oblystyń ekonomikalyq belsendi halyq sanyna qarai 8 194 jańa jumys oryndaryn ashý josparlanýda.
Biyl 444 salalyq jobalardy iske asyrý aiasynda 33 819 jumys oryndary ashylatyn kózdelýde. Jáne «Eńbek» baǵyty aiasynda oblys boiynsha 70 myń adamǵa jumyspen qamtý sharalaryn kórsetý josparlanýda.
– Óńir halqynyń tabysyn arttyrýǵa baǵyttalǵan jumystar óz jalǵasyn tabatyn bolady. Memleket basshysy atap ótkendei, Qazaqstannyń shynaiy jańarý kezeńine sátti qadam basýy jolynda aldymyzǵa qoiylyp otyrǵan tapsyrmalar men mindetterdi búkil qoǵam bolyp jumyla atqarýymyz mańyzdy. Endeshe, birligimizdi bir arnaǵa jumyldyryp, jańarǵan Qazaqstandy qurýda bar kúsh-jigerimizdi salyp, abyroimen atqaramyz degen senimdemin. Barshańyzdy Túrkistan qalasyn qaita túletip, damýy úshin óz úlesterińizdi qosýǵa shaqyramyn. Eńsemiz biik, Táýelsizdigimiz tuǵyrly bolsyn! – dedi Ómirzaq Shókeev.
Túrkistandaǵy qurylys jumystarynyń kólemi 132,6 mlrd teńgeni qurady. Jyl basynan beri jalpy alańy 296,2 myń sharshy metr turǵyn úi paidalanýǵa berildi.
Oblys ákimi Ómirzaq Shókeevtiń esep berý kezdesýi erekshe ótti. 500-den astam adam ózderi úshin jáne qala úshin mańyzdy máselelerdi talqylaýǵa keldi. Taǵy úsh myń adam jelige qosyldy. Osyndai formattaǵy kezdesýler turaqty negizde ótkiziletin bolady.
