حالىقتىڭ تابىسىن ارتتىرۋ ماقساتىندا «تۇركىستان وبلىسى بويىنشا 2022-2025 جىلدارعا ارنالعان جۇمىسپەن قامتۋ كارتاسى» جوباسى بەكىتىلىپ، ناتيجەسىندە 143 792 جۇمىس ورىندارىن اشۋ جوسپارلانعان.
سونىمەن قاتار، مەملەكەت باسشىسىنىڭ «10 مىڭ تۇرعىنعا 100 تۇراقتى جۇمىس ورىندارىن اشۋ» جونىندەگى تاپسىرماسىنا سايكەس، وبلىستىڭ ەكونوميكالىق بەلسەندى حالىق سانىنا قاراي 8 194 جاڭا جۇمىس ورىندارىن اشۋ جوسپارلانۋدا.
بيىل 444 سالالىق جوبالاردى ىسكە اسىرۋ اياسىندا 33 819 جۇمىس ورىندارى اشىلاتىن كوزدەلۋدە. جانە «ەڭبەك» باعىتى اياسىندا وبلىس بويىنشا 70 مىڭ ادامعا جۇمىسپەن قامتۋ شارالارىن كورسەتۋ جوسپارلانۋدا.
2022 جىلدان باستاپ «جاستار تاجىريبەسى» جوباسى شەڭبەرىندە 5 658 ادامعا 6،2 ملرد. تەڭگە، «العاشقى جۇمىس ورنى» جوباسى اياسىندا 386 ازاماتقا 436،7 ملن. تەڭگە قارجى قارالدى. سونداي-اق، جاستاردىڭ ىسكەرلىك باستامالارىنا قايتارىمسىز 3،4 ملرد. تەڭگەگە 2 765 گرانتتار بەرۋ كوزدەلۋدە.
– ءوڭىر حالقىنىڭ تابىسىن ارتتىرۋعا باعىتتالعان جۇمىستار ءوز جالعاسىن تاباتىن بولادى. مەملەكەت باسشىسى اتاپ وتكەندەي، قازاقستاننىڭ شىنايى جاڭارۋ كەزەڭىنە ءساتتى قادام باسۋى جولىندا الدىمىزعا قويىلىپ وتىرعان تاپسىرمالار مەن مىندەتتەردى بۇكىل قوعام بولىپ جۇمىلا اتقارۋىمىز ماڭىزدى. ەندەشە، بىرلىگىمىزدى ءبىر ارناعا جۇمىلدىرىپ، جاڭارعان قازاقستاندى قۇرۋدا بار كۇش-جىگەرىمىزدى سالىپ، ابىرويمەن اتقارامىز دەگەن سەنىمدەمىن. بارشاڭىزدى تۇركىستان قالاسىن قايتا تۇلەتىپ، دامۋى ءۇشىن ءوز ۇلەستەرىڭىزدى قوسۋعا شاقىرامىن. ەڭسەمىز بيىك، تاۋەلسىزدىگىمىز تۇعىرلى بولسىن! – دەدى ءومىرزاق شوكەيەۆ.
تۇركىستانداعى قۇرىلىس جۇمىستارىنىڭ كولەمى 132،6 ملرد تەڭگەنى قۇرادى. جىل باسىنان بەرى جالپى الاڭى 296،2 مىڭ شارشى مەتر تۇرعىن ءۇي پايدالانۋعا بەرىلدى.
جالپى ساۋدا كولەمى 148،3 ملرد تەڭگەگە جەتتى. قاڭتار-ماۋسىم اراسىندا تاسىلعان جۇك كولەمى 47،2 ملن تن. جەتكەن.
وبلىس اكىمى ءومىرزاق شوكەيەۆتىڭ ەسەپ بەرۋ كەزدەسۋى ەرەكشە ءوتتى. 500-دەن استام ادام وزدەرى ءۇشىن جانە قالا ءۇشىن ماڭىزدى ماسەلەلەردى تالقىلاۋعا كەلدى. تاعى ءۇش مىڭ ادام جەلىگە قوسىلدى. وسىنداي فورماتتاعى كەزدەسۋلەر تۇراقتى نەگىزدە وتكىزىلەتىن بولادى.
