Mundaǵy maqsat – Smart-tehnologiialardy damytý men Smart-ýniversitetterdi qurý baǵyttary boiynsha ózara biliktilik almasý. Sonymen qatar joǵary oqý oryndarynyń sandyq júiege kóshý barysymen tanystyrý.
Bilim ordasynyń basshysy Janseiit Túimebaev QazUÝ-dyń Smart-ýniversitetke ainalýdyń sońǵy kezeńine aiaq basqanyn jetkizdi. «Búgingi tańda joǵary oqý ornynyń tehnikalyq jabdyqtalýy qarqyndy júrgizilýde. Kampýs stýdentter men qyzmetkerler úshin tolyqtai qolaily ortaǵa ainalatyn bolady. Barlyq biznes-úderister men bailanys júielerin ońtailandyrý, jekelegen qyzmetter jelisin avtomattandyrý qolǵa alyndy. Qazaqstan Respýblikasy Bilim jáne ǵylym ministrligimen túrli avtomattandyrý júielerin integratsiialaý júzege asyrylady» dep atap ótti.
Qazirgi sátte kampýstyń sandyq qyzmetteri tolyǵymen jańǵyrtylý ústinde. Barlyq ǵimarattardy basqarý úshin arnaiy qabyldaǵyshtar jáne aqyldy tehnologiialar paidalanylady.
Budan bólek, bilim ordasynda sandyq júiede oqytýdyń jańa ádisteri engizilýde. Bul pandemiia jaǵdaiynda asa mańyzdy bolyp otyr. Ýniversitet «barshany qolaily oqytýdy» – kez kelgen ýaqytta jáne barlyq qurylǵyda qoljetimdi etýge kiristi. Nátijesinde oqytýshy-professorlar quramy baǵalaý men tiimdilikti arttyrý quraldaryn qoldana otyryp, jańa pedagogikalyq múmkindikterge jol ashýda.
Ýniversitettiń dál osyndai jetistikteri halyqaralyq áriptester tarapynan moiyndalyp, QazUÝ SMART-tehnologiialar mektebin uiymdastyrý mártebesine ie boldy. Bilim alańynda álemniń 7 elinen, onyń ishinde Eýropa memleketterinen aqparattyq-kommýnikatsiialyq tehnologiialar jáne avtomattandyrý salasynyń jetekshi ǵalymdary qatysyp, óz tájiribesimen bólisýde.
Atap aitsaq, JOO-nyń barlyq kommýnikatsiialarynyń sandyq júiege kóshýi, kampýsqa kirgen kezde tulǵany taný tehnologiiasy, qalashyqtaǵy qaýipsizdik monitoringi. Sondai-aq sabaqtardy baqylaý, oqýshylardyń úlgerimin taldaý, qyzmetkerler jumysynyń tiimdiligin saraptaý, aqyldy qalalar tehnologiialary, «jasyl» kampýs jáne taǵy basqalar. Sondai-aq QazUÝ magistranttarynyń «aqyldy jylyjai» arnaiy jobasy qatysýshylardyń qyzyǵýshylyǵyn oiatty. Respýblikalyq fizika-matematika mektebi úshin daiyndalyp jatqan jobaǵa oqýshylar da tartylatyn bolady.
Aita ketsek, Erasmus aqyldy qalalar tehnologiiasynyń magistrlik baǵdarlamasyna innovatsiialyq tásilderdi endirý jobasy aiasynda búginde grek ýniversitetimen qos diplom baǵdarlamasy ázirlenip, tabysty iske asyrylýda. Nátijesinde Qazaqstannyń alty magistranty Grekiia halyqaralyq ýniversitetinde bilim aldy. Sonymen qatar eýropalyq JOO men ál-Farabi atyndaǵy QazUÝ bazasynda magistrlik dissertatsiialar qorǵalady dep kútilýde.
Jazǵy mektep jumysy 30 sáýirge deiin sozylady.
