Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Polshanyń 18 joǵary oqý orny QazUÝ-men tyǵyz bailanys ornatqan

Dalanews
Polshanyń 18 joǵary oqý orny QazUÝ-men tyǵyz bailanys ornatqan
Ál-Farabi atyndaǵy QazUÝ-dyń Basqarma tóraǵasy – Rektory Janseiit Túimebaev Polsha Respýblikasynyń Qazaqstandaǵy Tótenshe jáne Ókiletti Elshisi Selim Hazbievichpen kezdesti. Kelissóz barysynda taraptar uzaq merzimdi yntymaqtastyq pen seriktestik máselelerin talqylady, – dep habarlaidy Dalanews.kz QazUÝ-niń Baspasóz qyzmetine silteme jasap.    

Óz sózinde JOO rektory J.Túimebaev Qazaqstannyń álemdik qoǵamdastyqqa yqpaldasýynda Polshanyń róli zor ári mańyzdy ekenin aitty.

     «Polsha Respýblikasynyń Qazaqstandaǵy Elshiligi ǵylym, bilim jáne mádeniet salasyndaǵy halyqaralyq yntymaqtastyqty damytýǵa zor úles qosýda. Eki el arasyndaǵy seriktestik qarqyndy jalǵasady» dep atap ótti ýniversitet basshysy.


Búgingi tańda QazUÝ Polshanyń 18 joǵary oqý ornymen tyǵyz bailanysta. Olardyń arasynda Varshava ýniversiteti, Adam Mitskevich ýniversiteti, Torýn qalasyndaǵy Nikolai Kopernik ýniversiteti, Lodz ýniversiteti, G.Koshalin atyndaǵy tehnologiialyq ýniversitet, Opol ýniversiteti bar.

Sońǵy úsh jylda QazUÝ-dyń 150-den astam stýdenti men magistranty akademiialyq utqyrlyq baǵdarlamasymen Polshada bilim aldy. Sonymen qatar 44 doktorant ǵylymi-zertteý taǵlymdamadan ótti. «Qazaqstannyń joǵary oqý oryndaryna sheteldik ǵalymdardy tartý» baǵdarlamasy aiasynda QazUÝ-ǵa Polshanyń tanymal professorlary men ǵalymdary kelýde. Olar PhD doktoranttarǵa ǵylymi jetekshilik jasaidy jáne dáris oqidy.

Polshanyń Qazaqstandaǵy elshisi Selim Hazbievich óz kezeginde eki el arasyndaǵy dostyq qarym-qatynastar búgingi tańda jańa mazmunǵa ie bolǵanyn jetkizdi. «Bizdiń tarap árqashan birlesken ǵylymi-bilim berý jobalaryn damytýǵa, tájiribe almasýǵa ári akademiialyq utqyrlyqty keńeitýge daiyn» dedi Elshi.

Sondai-aq Selim Hazbievich QazUÝ basshysy J.Túimebaevtyń Polsha túrkitanýshy ǵalymdarynyń  qatysýymen birlesken is-sharalar ótkizý týraly usynysyn qabyl aldy.

 Qazaqstan Táýelsizdiginiń 30 jyldyǵy aiasynda stýdentter aldynda dáris oqýǵa kelisim de berdi.


Kezdesý sońynda rektor ǵylym, bilim salasyndaǵy barlyq bastamalardy qoldaýǵa daiyn ekenin jetkizdi.
PhD rektor Ál-Farabi atyndaǵy QazUÝ Polsha Janseiit Túimebaev Selim Hazbievich Nikolai Kopernik ýniversiteti Lodz ýniversiteti Adam Mitskevich ýniversiteti Torýn qalasy Opol ýniversiteti Madina Sádýaqasova

Oqi otyryńyz