ءوز سوزىندە جوو رەكتورى ج.تۇيمەبايەۆ قازاقستاننىڭ الەمدىك قوعامداستىققا ىقپالداسۋىندا پولشانىڭ ءرولى زور ءارى ماڭىزدى ەكەنىن ايتتى.
«پولشا رەسپۋبليكاسىنىڭ قازاقستانداعى ەلشىلىگى عىلىم، ءبىلىم جانە مادەنيەت سالاسىنداعى حالىقارالىق ىنتىماقتاستىقتى دامىتۋعا زور ۇلەس قوسۋدا. ەكى ەل اراسىنداعى سەرىكتەستىك قارقىندى جالعاسادى» دەپ اتاپ ءوتتى ۋنيۆەرسيتەت باسشىسى.
بۇگىنگى تاڭدا قازۇۋ پولشانىڭ 18 جوعارى وقۋ ورنىمەن تىعىز بايلانىستا. ولاردىڭ اراسىندا ۆارشاۆا ۋنيۆەرسيتەتى، ادام ميسكيەۆيچ ۋنيۆەرسيتەتى، تورۋن قالاسىنداعى نيكولاي كوپەرنيك ۋنيۆەرسيتەتى، لودز ۋنيۆەرسيتەتى، گ.كوشالين اتىنداعى تەحنولوگيالىق ۋنيۆەرسيتەت، وپول ۋنيۆەرسيتەتى بار.
سوڭعى ءۇش جىلدا قازۇۋ-دىڭ 150-دەن استام ستۋدەنتى مەن ماگيسترانتى اكادەميالىق ۇتقىرلىق باعدارلاماسىمەن پولشادا ءبىلىم الدى. سونىمەن قاتار 44 دوكتورانت عىلىمي-زەرتتەۋ تاعلىمدامادان ءوتتى. «قازاقستاننىڭ جوعارى وقۋ ورىندارىنا شەتەلدىك عالىمداردى تارتۋ» باعدارلاماسى اياسىندا قازۇۋ-عا پولشانىڭ تانىمال پروفەسسورلارى مەن عالىمدارى كەلۋدە. ولار PhD دوكتورانتتارعا عىلىمي جەتەكشىلىك جاسايدى جانە ءدارىس وقيدى.
پولشانىڭ قازاقستانداعى ەلشىسى سەليم حازبييەۆيچ ءوز كەزەگىندە ەكى ەل اراسىنداعى دوستىق قارىم-قاتىناستار بۇگىنگى تاڭدا جاڭا مازمۇنعا يە بولعانىن جەتكىزدى. «ءبىزدىڭ تاراپ ءارقاشان بىرلەسكەن ءعىلىمي-بىلىم بەرۋ جوبالارىن دامىتۋعا، تاجىريبە الماسۋعا ءارى اكادەميالىق ۇتقىرلىقتى كەڭەيتۋگە دايىن» دەدى ەلشى.
سونداي-اق سەليم حازبييەۆيچ قازۇۋ باسشىسى ج.تۇيمەبايەۆتىڭ پولشا تۇركىتانۋشى عالىمدارىنىڭ قاتىسۋىمەن بىرلەسكەن ءىس-شارالار وتكىزۋ تۋرالى ۇسىنىسىن قابىل الدى.
قازاقستان تاۋەلسىزدىگىنىڭ 30 جىلدىعى اياسىندا ستۋدەنتتەر الدىندا ءدارىس وقۋعا كەلىسىم دە بەردى.
كەزدەسۋ سوڭىندا رەكتور عىلىم، ءبىلىم سالاسىنداعى بارلىق باستامالاردى قولداۋعا دايىن ەكەنىن جەتكىزدى.
