Ál-Farabi atyndaǵy Qazaq ulttyq ýniversitetiniń 90 jyldyǵy men koreitaný bóliminiń 30 jyldyǵy aiasynda «Jasandy intellekt dáýirindegi Ortalyq Aziiadaǵy koreitanýdyń róli men bolashaǵy» atty HII Ortalyq Aziialyq ǵylymi-tájiribelik konferentsiiasy ótti.
Koreia Respýblikasynyń halyqaralyq Korea Foundation qorynyń qoldaýymen Ortalyq Aziia elderindegi koreitaný ǵylymynyń ózekti máselelerin talqylaýǵa arnalǵan konferentsiia jyl saiyn uiymdastyrylyp keledi. Qazirgi ýaqytta koreitaný ǵylymy Qazaqstan, Ózbekstan, Qyrǵyzstan, Ázirbaijan siiaqty elderde qarqyndy damýda.
Is-sharaǵa Ál-Farabi atyndaǵy QazUÝ-dyń Basqarma Tóraǵasy – Rektor Janseiit Túimebaev, Koreia Respýblikasynyń Almaty qalasyndaǵy bas konsýly Pak Nechhon, KF qorynyń tóraǵasy Kim Ki Hvan, Ortalyq Aziia koreitanýshy-oqytýshylar qaýymdastyǵynyń tóraiymy M.A.Sherikýlova jáne t.b. qatysyp, konferentsiianyń saltanatty ashylýynda quttyqtaý sóz sóiledi.
Konferentsiia jumysyn ashqan QazUÝ rektory Janseiit Túimebaev óz sózinde Qazaqstan men Koreia arasynda ǵylym jáne bilim berý salasynda turaqty yntymaqtastyq ornatylǵanyn jáne Korei eliniń ýniversitetterimen akademiialyq utqyrlyq, túrli ǵylymi jobalardy birigip júzege asyrý boiynsha mol tájiribe jinaqtaǵanyn atap ótti.
Aita ketý kerek, ótken aptada Ońtústik Koreia Prezidenti Iýn Sýk El Qazaqstanǵa arnaiy saparmen keldi. Búginde Qazaqstan men Koreia arasyndaǵy taýar ainalymy 6 milliard dollarǵa jetti. Sonymen qatar elde Ońtústik Koreia kapitalymen 700-den astam birlesken kásiporyn jumys isteidi. Memleket basshysy Qasym-Jomart Toqaev «munyń bári birlesken kúsh-jigerdiń nátijesi» dep atap ótti.
«Jaqyn arada eki el arasyndaǵy qarym-qatynas barlyq salada órkendeitini sózsiz. Olardyń ishinde ǵylym men bilim salasyndaǵy yntymaqtastyq jemisti bolady», – dedi QazUÝ rektory.
Halyqaralyq ekikúndik konferentsiiaǵa Ońtústik Koreianyń Ense, Inchhon, Sanmen, Chonnam, Chonbýk ýniversitetteri, Erdjies ýniversiteti (Túrkiia), Tashkent memlekettik shyǵystaný ýniversiteti, Ózbek memlekettik álem tilderi ýniversiteti, Qyrǵyzstannyń K.Qarasaev atyndaǵy Bishkek memlekettik ýniversiteti, RF Máskeý joǵary ekonomika mektebi, Abylai han atyndaǵy QazHQjÁTÝ jáne t.b. joǵary oqý oryndarynyń koreitanýshy professorlary men oqytýshylary qatysty.
Konferentsiianyń plenarlyq otyrysynan keiin jumys úsh sektsiia boiynsha jalǵasty. Onda ǵalymdar jasandy intellekt, aqparattyq tehnologiianyń jańa múmkindikterin koreitaný ǵylymynda, korei tilin oqytýda qoldanýdyń erekshelikteri boiynsha zertteýlerin baiandap, tájiribe almasty, sonymen qosa, koreitanýdaǵy basqa da ózekti máselelerdi talqylady. Konferentsiia barysynda quryltai jinalysynda shyǵystaný fakýltetiniń 30 jyldyq tarihyndaǵy jetistikteri men koreitanýdyń damý múmkindigin qarastyrdy.
Sondai-aq sharaǵa qatysýshylar 2025 jyly konferentsiianyń ótetin jeri men Ortalyq Aziiadaǵy koreitanýshylardyń jańa basshysyn tańdap, daýys berdi.
Ál-Farabi atyndaǵy QazUÝ-dyń Baspasóz qyzmeti
