Qazaqstandyq altyn óndirýshi "Polimetall" kompaniiasynyń basyna taǵy da qara bult úiirildi. Olar reseilik aktivterin satyp jiberse de, eýropalyq banktermen jáne jetkizýshilermen burynǵy mámileniń túiinin áli de sheshe almai júr, dep habarlaidy Dalanews.kz.
Sheteldik The Financial Times agenttiginiń málimdeýinshe, óndirýshi tarap kásipti qaita qalpyna keltirýge jáne eki jyldan keiin London birjasyna shyǵýdy kózdep otyr.
Alaida eýropalyq nesie berýshi tarap, sonyń ishinde Société Générale jáne Raiffeisen kompaniialary FTSE 100 tizimindegi burynǵy altyn óndirýshimen jumys isteýden bas tartýda. Soǵan bailanysty "Polimetall" mańyzdy jabdyqtar men qarjylandyrýdyń balama joldaryn izdestirý úshin qytailyq jetkizýshilerdi jaǵalaýǵa májbúr.
Aqpan aiynda Polymetal "Mangazeya Mining" AQ kompaniiasyna reseilik segiz altyn-kúmis kenishin 3,7 milliard dollarǵa satyp, topty qazaqstandyq eki kenishke qysqartty. Al Batys sanktsiialary men aktivterdi Resei Federatsiiasynyń erejelerine súiene otyryp satý sátti de aitýly mysaldardyń biri boldy.
Kompaniia sáikestik synaǵy kezinde Polimetall tóńireginde týyndaǵan keleńsizdikti joiý úshin Solidcore Resources retinde rebrending jasap, 2026 jylǵa qarai London naryǵyna qaita oralyp, Qazaqstanda quny 800 million dollardy quraityn óńdeý zaýytynyń qurylysyn bastaýdy josparlap otyr. Top 2023 jyly Ýkrainada daǵdarys bastalǵannan keiin qaita qurylymdaý aiasynda Qazaqstanda tirkeýden ótý barysynda tizimnen shyǵarylǵan edi.
"Polimetall" AQ jáne onyń enshiles kompaniialaryndaǵy bas atqarýshy direktor Vitalii Nesis Financial Times basylymyna bergen suhbatynda Reseimen burynǵy jáne qazirgi bailanystaryna toqtala otyryp, kásiptiń mán-jaiyn baiandap berdi. Sonymen qatar ol qordaǵy 233 million dollarǵa qaramastan, 2028 jyly qaita óńdeý kesheni salynǵanǵa deiin aqsap turǵan dividendter saiasaty men investorlar máselesine alańdaýshylyq tanytty.
"Qolda bar qarajatymyzǵa qaramastan, biz óte qaýipti jaǵdaida turmyz. Sondyqtan syrtqy qarjylandyrýǵa táýeldi bolmaityn ári turaqty sanktsiialar jaǵdaiynda negizgi paida kózi bar aýqymdy jáne kúrdeli nysan salýymyz kerek", - dedi ol.
"Qazirgi tańda búkil aimaqtaǵy jaǵdai bulyńǵyr bolyp tur jáne bul geosaiasi másele eki jyldan bes jylǵa deiin jalǵasýy múmkin", - dep qosty ol.
Nesistiń aitýynsha, Ulybritaniia, Germaniia jáne Frantsiia jetkizýshilerimen jumystyń toqtaýyna bailanysty qural-jabdyqtardy qytailyq jetkizýshilerden alýǵa májbúr. Bul óz kezeginde qosymsha qolaisyzdyqtardyń týyndaýyna ákeledi.
"Óndiristik shyndyq mynada, biz Qytaidan bárin satyp ala alamyz, degenmen biz burynnan kele jatqan tanys jabdyqty paidalanǵymyz keledi", - dep qosty ol.
Polimetall Qazaqstanda óndirilgen jabdyqtardy Reseidegi Amýr ken baiytý fabrikasyna jóneltýdi jalǵastyrýda. Ol Mangazeiaǵa satyldy. Eger kompaniia atalmysh qaita óńdeý tasymalyna qol jetkize almasa ári Qytaidan joǵary mamandandyrylǵan jabdyqtardy talap etse, kiristiń aitarlyqtai tómendeýine ákelýi múmkin.
AQSh Qarjy ministrligi "Polimetall" satqan reseilik aktivterge qarsy sanktsiialar saldy. Dese de qazaqstandyq kompaniia belgili bir sharttardy saqtai otyryp, óziniń shikizatyn Amýrskige qaita óńdeýge jibere alatynyna kepildik berdi.
Astanada ornalasqan top aldaǵy 24 aida Raiffeisen, Société Générale, Eýropalyq Qaita qurý jáne Damý banki basqaratyn nesie berýshilerine 400 million dollar tóleýi kerek.
Nesis Polymetal barlyq sanktsiiany oryndaǵanymen,eýropalyq bankter aqshalaryn qaitaryp alǵan boida bailanystaryn úzýge daiyn ekenin aitady.
"Biz sanktsiialardy durys ustanatyn bolsaq, atalmysh bankter qoldanystaǵy jaǵdaiǵa shydas beredi. Alaida olardyń ary qarai qarym - qatynas jalǵastyrýǵa qyzyǵýshylyǵy joq", - dedi ol.
"Biz bul qorlardy ainalymnan shyǵarǵan kezde basqa banktermen qarym - qatynas ornatý qiyn da kúrdeli bolmaq. ... bálkim, bul amerikalyq bankter bolýy múmkin".
SocGen jáne Raiffeisen bankteri túsinikteme berýden bas tartty.
Eske salaiyq, buǵan deiin Polymetal International plc kompaniiasy aktsionerler jinalysynda maquldaǵan jáne barlyq keiinge qaldyrylǵan sharttardyń oryndalǵanyn jáne "Mangazeia Pliýs" AQ kompaniiasyna "Polimetall" AQ-nyń toptyń reseilik aktivteriniń holdingtik kompaniiasynyń 100% aktsiiasyn satý boiynsha buryn jariialanǵan mámileniń sátti júzege asqanyn habarlaǵan edi.
"Biz aktsionerlerdiń reseilik biznesti satýǵa qoldaý kórsetkenine qýanyshtymyz. Bul mámileniń jabylýymen negizgi táýekelder joiyldy. Endi menedjment boiynsha mamyr aiynda kapitaldy bólýdiń jańa strategiiasy men saiasaty engiziledi", – dedi Polymetal-dyń bas atqarýshy direktory Vitalii Nesis.
2024 jylǵy 19 aqpanyndaǵy mámile sharttarynda kórsetilgen kelisim negizinde kompaniia taza syrtqy qaryzynyń kólemin 2,2 milliard AQSh dollaryna qysqartqan. Salyqty shegergennen keiin 1,04 milliard AQSh dollary kólemindegi topishilik qaryzdy tolyǵymen ótedi jáne kompaniia salyqtardy tólegennen keiin 300 million dollar kóleminde qarajat alǵan.
