قازاقستاندىق التىن ءوندىرۋشى "پوليمەتالل" كومپانياسىنىڭ باسىنا تاعى دا قارا بۇلت ءۇيىرىلدى. ولار رەسەيلىك اكتيۆتەرىن ساتىپ جىبەرسە دە، ەۋروپالىق بانكتەرمەن جانە جەتكىزۋشىلەرمەن بۇرىنعى مامىلەنىڭ ءتۇيىنىن ءالى دە شەشە الماي ءجۇر، دەپ حابارلايدى Dalanews.kz.
شەتەلدىك The Financial Times اگەنتتىگىنىڭ مالىمدەۋىنشە، ءوندىرۋشى تاراپ كاسىپتى قايتا قالپىنا كەلتىرۋگە جانە ەكى جىلدان كەيىن لوندون بيرجاسىنا شىعۋدى كوزدەپ وتىر.
الايدا ەۋروپالىق نەسيە بەرۋشى تاراپ، سونىڭ ىشىندە Société Générale جانە Raiffeisen كومپانيالارى FTSE 100 تىزىمىندەگى بۇرىنعى التىن وندىرۋشىمەن جۇمىس ىستەۋدەن باس تارتۋدا. سوعان بايلانىستى "پوليمەتالل" ماڭىزدى جابدىقتار مەن قارجىلاندىرۋدىڭ بالاما جولدارىن ىزدەستىرۋ ءۇشىن قىتايلىق جەتكىزۋشىلەردى جاعالاۋعا ءماجبۇر.
اقپان ايىندا Polymetal "Mangazeya Mining" اق كومپانياسىنا رەسەيلىك سەگىز التىن-كۇمىس كەنىشىن 3،7 ميلليارد دوللارعا ساتىپ، توپتى قازاقستاندىق ەكى كەنىشكە قىسقارتتى. ال باتىس سانكسيالارى مەن اكتيۆتەردى رەسەي فەدەراسياسىنىڭ ەرەجەلەرىنە سۇيەنە وتىرىپ ساتۋ ءساتتى دە ايتۋلى مىسالداردىڭ ءبىرى بولدى.
كومپانيا سايكەستىك سىناعى كەزىندە پوليمەتالل توڭىرەگىندە تۋىنداعان كەلەڭسىزدىكتى جويۋ ءۇشىن Solidcore Resources رەتىندە رەبرەندينگ جاساپ، 2026 جىلعا قاراي لوندون نارىعىنا قايتا ورالىپ، قازاقستاندا قۇنى 800 ميلليون دوللاردى قۇرايتىن وڭدەۋ زاۋىتىنىڭ قۇرىلىسىن باستاۋدى جوسپارلاپ وتىر. توپ 2023 جىلى ۋكراينادا داعدارىس باستالعاننان كەيىن قايتا قۇرىلىمداۋ اياسىندا قازاقستاندا تىركەۋدەن ءوتۋ بارىسىندا تىزىمنەن شىعارىلعان ەدى.
"پوليمەتالل" اق جانە ونىڭ ەنشىلەس كومپانيالارىنداعى باس اتقارۋشى ديرەكتور ۆيتاليي نەسيس Financial Times باسىلىمىنا بەرگەن سۇحباتىندا رەسەيمەن بۇرىنعى جانە قازىرگى بايلانىستارىنا توقتالا وتىرىپ، كاسىپتىڭ ءمان-جايىن بايانداپ بەردى. سونىمەن قاتار ول قورداعى 233 ميلليون دوللارعا قاراماستان، 2028 جىلى قايتا وڭدەۋ كەشەنى سالىنعانعا دەيىن اقساپ تۇرعان ديۆيدەندتەر ساياساتى مەن ينۆەستورلار ماسەلەسىنە الاڭداۋشىلىق تانىتتى.
"قولدا بار قاراجاتىمىزعا قاراماستان، ءبىز وتە ءقاۋىپتى جاعدايدا تۇرمىز. سوندىقتان سىرتقى قارجىلاندىرۋعا تاۋەلدى بولمايتىن ءارى تۇراقتى سانكسيالار جاعدايىندا نەگىزگى پايدا كوزى بار اۋقىمدى جانە كۇردەلى نىسان سالۋىمىز كەرەك"، - دەدى ول.
"قازىرگى تاڭدا بۇكىل ايماقتاعى جاعداي بۇلىڭعىر بولىپ تۇر جانە بۇل گەوساياسي ماسەلە ەكى جىلدان بەس جىلعا دەيىن جالعاسۋى مۇمكىن"، - دەپ قوستى ول.
نەسيستىڭ ايتۋىنشا، ۇلىبريتانيا، گەرمانيا جانە فرانسيا جەتكىزۋشىلەرىمەن جۇمىستىڭ توقتاۋىنا بايلانىستى قۇرال-جابدىقتاردى قىتايلىق جەتكىزۋشىلەردەن الۋعا ءماجبۇر. بۇل ءوز كەزەگىندە قوسىمشا قولايسىزدىقتاردىڭ تۋىنداۋىنا اكەلەدى.
"وندىرىستىك شىندىق مىنادا، ءبىز قىتايدان ءبارىن ساتىپ الا الامىز، دەگەنمەن ءبىز بۇرىننان كەلە جاتقان تانىس جابدىقتى پايدالانعىمىز كەلەدى"، - دەپ قوستى ول.
پوليمەتالل قازاقستاندا وندىرىلگەن جابدىقتاردى رەسەيدەگى امۋر كەن بايىتۋ فابريكاسىنا جونەلتۋدى جالعاستىرۋدا. ول مانگازەياعا ساتىلدى. ەگەر كومپانيا اتالمىش قايتا وڭدەۋ تاسىمالىنا قول جەتكىزە الماسا ءارى قىتايدان جوعارى مامانداندىرىلعان جابدىقتاردى تالاپ ەتسە، كىرىستىڭ ايتارلىقتاي تومەندەۋىنە اكەلۋى مۇمكىن.
اقش قارجى مينيسترلىگى "پوليمەتالل" ساتقان رەسەيلىك اكتيۆتەرگە قارسى سانكسيالار سالدى. دەسە دە قازاقستاندىق كومپانيا بەلگىلى ءبىر شارتتاردى ساقتاي وتىرىپ، ءوزىنىڭ شيكىزاتىن امۋرسكىگە قايتا وڭدەۋگە جىبەرە الاتىنىنا كەپىلدىك بەردى.
استانادا ورنالاسقان توپ الداعى 24 ايدا Raiffeisen، Société Générale، ەۋروپالىق قايتا قۇرۋ جانە دامۋ بانكى باسقاراتىن نەسيە بەرۋشىلەرىنە 400 ميلليون دوللار تولەۋى كەرەك.
نەسيس Polymetal بارلىق سانكسيانى ورىنداعانىمەن،ەۋروپالىق بانكتەر اقشالارىن قايتارىپ العان بويدا بايلانىستارىن ۇزۋگە دايىن ەكەنىن ايتادى.
"ءبىز سانكسيالاردى دۇرىس ۇستاناتىن بولساق، اتالمىش بانكتەر قولدانىستاعى جاعدايعا شىداس بەرەدى. الايدا ولاردىڭ ارى قاراي قارىم - قاتىناس جالعاستىرۋعا قىزىعۋشىلىعى جوق"، - دەدى ول.
"ءبىز بۇل قورلاردى اينالىمنان شىعارعان كەزدە باسقا بانكتەرمەن قارىم - قاتىناس ورناتۋ قيىن دا كۇردەلى بولماق. ... بالكىم، بۇل امەريكالىق بانكتەر بولۋى مۇمكىن".
SocGen جانە Raiffeisen بانكتەرى تۇسىنىكتەمە بەرۋدەن باس تارتتى.
ەسكە سالايىق، بۇعان دەيىن Polymetal International plc كومپانياسى اكسيونەرلەر جينالىسىندا ماقۇلداعان جانە بارلىق كەيىنگە قالدىرىلعان شارتتاردىڭ ورىندالعانىن جانە "مانگازەيا پليۋس" اق كومپانياسىنا "پوليمەتالل" اق-نىڭ توپتىڭ رەسەيلىك اكتيۆتەرىنىڭ حولدينگتىك كومپانياسىنىڭ 100% اكسياسىن ساتۋ بويىنشا بۇرىن جاريالانعان مامىلەنىڭ ءساتتى جۇزەگە اسقانىن حابارلاعان ەدى.
"ءبىز اكسيونەرلەردىڭ رەسەيلىك بيزنەستى ساتۋعا قولداۋ كورسەتكەنىنە قۋانىشتىمىز. بۇل مامىلەنىڭ جابىلۋىمەن نەگىزگى تاۋەكەلدەر جويىلدى. ەندى مەنەدجمەنت بويىنشا مامىر ايىندا كاپيتالدى ءبولۋدىڭ جاڭا ستراتەگياسى مەن ساياساتى ەنگىزىلەدى"، – دەدى Polymetal-دىڭ باس اتقارۋشى ديرەكتورى ۆيتاليي نەسيس.
2024 جىلعى 19 اقپانىنداعى مامىلە شارتتارىندا كورسەتىلگەن كەلىسىم نەگىزىندە كومپانيا تازا سىرتقى قارىزىنىڭ كولەمىن 2،2 ميلليارد اقش دوللارىنا قىسقارتقان. سالىقتى شەگەرگەننەن كەيىن 1،04 ميلليارد اقش دوللارى كولەمىندەگى توپىشىلىك قارىزدى تولىعىمەن وتەدى جانە كومپانيا سالىقتاردى تولەگەننەن كەيىن 300 ميلليون دوللار كولەمىندە قاراجات العان.
